سعودی عرب میں رمضان المبارک کا چاند نظر آگیا
ریاض(قدرت روزنامہ)سعودی عرب میں رمضان المبارک کا چاند نظر آگیا، پہلا روزہ کل ہوگا۔ سعودی شاہی دیوان کے مطابق سعودی سپریم کورٹ نے رمضان المبارک کا چاند نظر آنے کی تصدیق کردی ہے۔سعودی میڈیا کے مطابق رمضان کا چاند دیکھنے کیلئے مکہ، مدینہ، تبوک،سدیر سمیت دیگرشہروں کی آبزرویٹری میں اجلاس ہوئے جس میں محکمہ موسمیات اور فلکیات کے ماہرین نے شرکت کی۔متحدہ عرب امارات، قطر اور سلطنت عمان میں بھی رمضان کا چاند نظر آگیا، کل پہلا روزہ ہوگا۔