جنسی ہراسانی کیس میں نانا پاٹیکر بڑی مشکل میں پھنس گئے؟ اداکارہ تنوشری دتہ کا دعویٰ

ممبئی(قدرت روزنامہ)بھارتی فلم انڈسٹری کے سینیئر اور منفرد اداکار نانا پاٹیکر کے خلاف ہراسانی کا کیس دائر کرنے والی تنوشری دتہ نے دعویٰ کیا ہے کہ مقدمے میں فتح ان کی ہوئی ہے۔

بھارتی میڈیا کے مطابق تنوشری دتہ نے کہا کہ میرے پاس سب کے لیے خوشخبری ہے، یہ میری فتح ہے۔

ادکارہ نے بتایا کہ عدالت نے نانا پاٹیکر اور دیگر کے خلاف فلم ہارن اوکے پلیز کی شوٹنگ کے دوران جنسی ہراسانی پر ممبئی پولیس کی بی سمری رپورٹ منسوخ کردی۔

تنوشری دتہ نے بتایا کہ اب پولیس کو اس کیس میں دوبارہ سے چالان جمع کرانا ہوگا۔ عدالت کا یہ اقدام میری جیت ہے۔

اداکارہ نے مزید بتایا کہ پولیس نے اس کیس کو کسی گواہ سے بات کیے بغیر بند کرنے کی کوشش کی تھی جو ناکام ہوگئی۔

ادکارہ نے الزام عائد کیا کہ پولیس اور نانا پاٹیکر نے اس کیس کے میرے گواہوں کو غنڈوں کے ذریعے دھمکیاں دلوائیں۔

تنوشری دتہ کے بقول میرا ایک گواہ ان دھونس دھمکیوں کے باوجود عدالت پہنچا اور گواہی دی۔ جس پر آج یہ فیصلہ آیا ہے۔