سلمان خان نے فلم ’سکندر‘ کیلئے کتنے کروڑ معاوضہ لیا؟ جان کر حیران رہ جائیں گے

ممبئی (قدرت روزنامہ)بالی وڈ سپر سٹار سلمان خان کی فلم ’ سکندر ‘سب سے زیادہ انتظار کے بعد ریلیز کی جانے والی فلموں میں سے ایک ہے جو عرصے سے سرخیوں میں رہنے کے بعد آخرکار عید پر ریلیز کی جائے گی۔
نجی ٹی وی جیونیو ز کے مطابق لیکن کیا آپ جانتے ہیں کہ سلمان خان نے اس فلم کیلئے کتنا معاوضہ وصول کیا؟ حال ہی میں بھارتی میڈیا رپورٹ میں فلم کی کاسٹ کے معاوضے کا انکشاف کیا گیا ہے۔ساجد ناڈیاڈوالا کی پروڈکشن میں بننے والی فلم ’سکندر‘ کی ہدایت کاری کے فرائض اے آر مروگادوس نے انجام دیے جبکہ فلم کا بجٹ 400 کروڑ بھارتی روپے ہے۔بھارتی میڈیا رپورٹ کے مطابق سلمان خان نے فلم ’سکندر‘ کے لئے 120 کروڑ بھارتی روپے کا معاوضہ وصول کیا تاہم یہ واضح نہیں کہ سلمان نے پروفٹ شیئرنگ ماڈل کا انتخاب فلم’ سکندر‘ کیلئے بھی کیا یا نہیں۔
دوسری جانب فلم میں سلمان خان کے علاوہ رشمیکا منڈانا بھی مرکزی کردار ادا کررہی ہیں، دونوں پہلی بار ایک ساتھ فلم میں جلوہ گر ہوں گے۔میڈیا رپورٹ میں بتایا گیا ہے کہ اداکارہ نے مبینہ طور پر اس فلم کے لئے 5 کروڑ بھارتی روپے وصول کئے اور کاجول اگروال کو مبینہ طور پر اس پراجیکٹ کے لئے 3 کروڑ روپے معاوضہ دیے جانے کا انکشاف ہوا ہے۔یاد رہے کہ چند روز قبل فلم سکندر کے گانے زہرہ جبیں کا ٹیزر جاری کیا گیا تھا جس میں سلمان خان اور رشمیکا منڈانا کی دھماکے دار پرفارمنس نے تہلکہ مچادیا ہے۔
حال ہی میں سلمان خان نے بھی اپنے سوشل میڈیا ہینڈل پر فلم کا ایک نیا پوسٹر شیئر کیا ہے۔اپنی پوسٹ کے کیپشن میں سلمان نے ایک بار پھر تصدیق کی کہ سکندر 28 مارچ 2025 کو عید الفطر کے موقع پر سنیما گھروں کی زینت بنے گی۔