معروف فیشن ڈیزائنر محمود بھٹی کی چوتھی بیوی انکے خلاف عدالت پہنچ گئی

اسلام آباد (قدرت روزنامہ)پاکستان کی فیشن انڈسٹری کے معروف فیشن ڈیزائنر محمود بھٹی کی چوتھی بیوی انکے خلاف عدالت پہنچ گئی۔
رپورٹ کے مطابق محمود بھٹی کی اہلیہ نے ماہانہ 10 لاکھ روپے نان و نفقے کا دعویٰ دائر کرتے ہوئے ان پر الزام عائد کیا ہے کہ محمود بھٹی نے ان سے پچھلی شادیوں کے بارے میں جھوٹ بولا اور نکاح نامہ میں بھی جھوٹی تفصیلات درج کروائی تھیں۔
درخواست کنندہ کے مطابق ان کی فیشن ڈیزائنر محمود بھٹی سے 10 مارچ 2022 میں لاہور میں شادی ہوئی جس کے کچھ ہی عرصے بعد شوہر نے ان کے ساتھ ظالمانہ رویہ اختیار کرنا شروع کردیا۔
فیشن ڈیزائنر کی اہلیہ نے عدالت میں کہا کہ محمود بھٹی نے نکاح نامہ میں ایک شادی اور تین بچے لکھوائے تاہم فرانس میں شادی رجسٹرڈ ہونے پر پتہ چلا کہ وہ پہلے ہی تین عورتوں کو طلاق دے چکا ہے۔
محمود بھٹی کی اہلیہ حمیرا نے عدالت کو مزید بتایا کہ شوہر نے 6 ماہ پہلے اسے گھر سے نکال دیا اور متعد بار رابطہ کرنے پر بھی ان کے حقوق پورے نہیں کیے۔
حمیرا نے عدالت میں استدعا کی کہ وہ شوہر کے گھر سے نکالے جانے کی وجہ سے والدین کے گھر رہنے پر مجبور ہے عدالت شوہر کیخلاف نان نفقہ ادا کرنے کا حکم جاری کرے۔
واضح رہے کہ جج فیملی کورٹ نے محمود بھٹی کو 20 مارچ کو طلبی نوٹس جاری کردیئے ہیں۔