ریلوے کی آمدنی میں اضافہ اور اخراجات میں کمی لائی جائے گی:حنیف عباسی
اسلام آباد (قدرت روزنامہ ) وفاقی وزیر حنیف عباسی نے وزارت ریلوے کا باضابطہ چارج سنبھال لیا۔انہوں نے کہا کہ آمدنی میں اضافہ اور اخراجات میں کمی لائی جائے گی
نجی ٹی وی دنیا نیوز کے مطابق وفاقی وزیر ریلو ے کی زیر صدارت اجلاس ہوا جس میں سیکرٹری ریلوے مظہر علی شاہ نے ریلوے کی کارکردگی، ٹرین آپریشنز اور حفاظتی اقدامات کے حوالے سے وفاقی وزیر کو مکمل بریفنگ دی۔
دوران اجلاس گفتگو کرتے ہوئے وزیر ریلوے حنیف عباسی کا کہنا تھا کہ ریلوے مسافروں کے جان و مال کے تحفظ کو یقینی بنایا جائے، کسی بھی حادثے سے بچنے کیلئے نگرانی کے آلات نصب کئے جائیں۔
انہوں نے مزید کہا کہ ریلوے کو مستحکم اور متحرک ادارہ بنانے کیلئے اس کی آمدنی میں اضافہ اور اخراجات میں کمی لائی جائے گی، وزارت ریلوے اپنی بہتر کوآرڈینیشن کے ساتھ پاکستان ریلوے میں کارکردگی کا تسلسل کو برقرار رکھتے ہوئے مزید ترقی کرے گی۔