کرکٹر آصف آفریدی کی گیند لگنے سے چہرے کی ہڈی فریکچر ،اہم ایونٹ سے باہر ہو گئے
لاہور(قدرت روزنامہ)فاٹا کے سپنر آصف آفریدی کو لاہور کے قذافی سٹیڈیم میں پریکٹس سیشن کے دوران دائیں آنکھ کے نیچے گیند لگ گئی۔
تفصیلات کے مطابق آصف آفریدی کو فوری طور پر ہسپتال منتقل کیا گیا جہاں ان کے چہرے کی ہڈی (ڈائگو میٹک) میں فریکچر کی تصدیق ہوئی ہے ، آصف آفریدی انجری کے باعث نیشنل ٹی ٹوینٹی کپ سے باہر ہو گئے ہیں ۔
پی سی بی کا میڈیکل ڈیپارٹمنٹ آصف آفریدی کے علاج اور صحت یابی کی نگرانی جاری رکھے گا، پی سی بی آنکھوں کے سپیشلسٹس سے مشاورت کے بعد ان کے بحالی کے منصوبے کی تیاری کرے گا۔