عصر ملک نے بھی ملالہ کیساتھ تصویر شیئر کردی
اسلام آباد (قدرت روزنامہ)نوبیل انعام یافتہ پاکستانی ملالہ یوسف زئی کے شوہر عصر ملک نے بھی سوشل میڈیا پر اہلیہ کے ساتھ تصویر شیئر کردی۔عصر ملک نے فوٹو اینڈ ویڈیو شیئرنگ ایپ انسٹاگرام پر موجود اپنے آفیشل اکاؤنٹ پر اپنے نکاح کی پہلی تصویر شیئر کی ہے۔
View this post on Instagram
انسٹاگرام پر شیئر کی گئی تصویر میں عصر ملک نے اپنی اہلیہ ملالہ یوسف زئی کا ہاتھ تھاما ہوا ہے۔تصویر میں عصر ملک محبت بھری نظروں سے اہلیہ ملالہ کی طرف دیکھ رہے ہیں۔
عصر ملک نے اپنی پوسٹ کے کیپشن میں صرف دل والا ایموجی بنایا۔واضح رہے کہ ملالہ یوسف زئی نے اپنے نکاح کا اعلان سماجی رابطے کی ویب سائٹ ٹوئٹر پر کیا اور ساتھ ہی اپنے شوہر عصر ملک اور اہلخانہ کی تصاویر شیئر کی تھیں۔
عصر ملک جن سے ملالہ یوسف زئی رشتۂ ازدواج میں منسلک ہوئی ہیں، وہ پاکستان کرکٹ بورڈ (پی سی بی) کے ہائی پرفارمنس سینٹر میں جنرل منیجر آپریشنز کے عہدے پر فائز ہیں۔