خاتون مداح نے شاداب سے بابر اعظم کا رشتہ مانگ لیا

اسلام آباد (قدرت روزنامہ)قومی کرکٹ ٹیم کے اسٹار آل راؤنڈر شاداب خان سے ایک خاتون مداح نے کپتان بابر اعظم کا رشتہ مانگ لیا۔
شاداب خان کے سوال و جواب کے سیشن کے دوران جہاں ٹوئٹر پر چاہنے والے ان کے ایک جواب کے منتظر تھے وہیں ایک خاتون مداح کے ٹوئٹ نے شاداب کی توجہ اپنی جانب مبذول کروائی۔خاتون مداح نے شاداب خان کے بنائے ’آسک شاداب‘ کا استعمال کرتے ہوئے شاداب خان سے کہا کہ مجھے جواب نہیں بابر اعظم کا رشتہ چاہیے، شاداب خان میرے لیے یہ کام کردیں۔

Aap please @babarazam258 ki family se rabta kerein #AskShadab https://t.co/sOEJfqkyAM

— Shadab Khan (@76Shadabkhan) December 20, 2021

اس ٹوئٹ کے جواب میں شاداب نے لکھا کہ آپ اس کام کے لیے بابر اعظم کی فیملی سے رابطہ کریں۔
خیال رہے کہ رواں برس جون میں یہ خبر سامنے آئی تھی کہ قومی کپتان بابر اعظم کا اپنے چچا کے ہاں رشتہ طے ہوگیا ہے اور دونوں فیملیز میں یہ بات طے ہوئی ہے کہ اگلے برس شادی کردی جائے گی۔
ایک شو میں احمد شہزاد نے بھی بابر اعظم کے حوالے سے اسی قسم کا انکشاف کیا تھا۔