سوشل میڈیا پر مشہور حکیم بابر کو زہر دے دیا گیا

لاہور(قدرت روزنامہ)جوان لڑکی سے شادی کے بعد سوشل میڈیا پر مشہور ہونے والے 60 سالہ حکیم بابر نے دعویٰ کیا ہے کہ انہیں جوس میں زہر ملا کر پلایا گیا، جس کے بعد ان کی حالت غیر ہوگئی۔
حکیم بابر نے الزام عائد کیا کہ انہیں کوٹلی کھوکھراں سے تعلق رکھنے والے صفدر اور سکو نامی شخص نے اپنے گھر بلایا، جہاں مبینہ طور پر جوس میں زہر ملا کر انہیں پلایا گیا۔ ان کے مطابق جوس پینے کے بعد ان کی طبیعت اچانک خراب ہوگئی اور حالت تشویشناک ہوگئی۔

مجھے کوٹلی کھوکھراں سے صفدر اور سکو نے گھر بلا کر جوس میں زہر ملا کر پلایا، وزیراعلی صاحبہ میرے چھوٹے چھوٹے بچے ہیں، میری جان کو خطرہ ہے، تحقیقات کرائیں اور ملزمان کو کڑی سے کڑی سزا دلوائیں، حکیم بابر کی التجاء pic.twitter.com/u4trhjRV8N

— Nadir Baloch (@BalochNadir5) May 30, 2026

حکیم بابر نے وزیراعلیٰ پنجاب سے اپیل کرتے ہوئے کہا کہ ان کے چھوٹے چھوٹے بچے ہیں اور ان کی جان کو خطرہ لاحق ہے۔ انہوں نے مطالبہ کیا کہ واقعے کی فوری اور شفاف تحقیقات کرائی جائیں اور ملوث ملزمان کو قانون کے مطابق سخت سے سخت سزا دی جائے۔

نوجوان لڑکی سے شادی کرکے ٹک ٹاک پر وائرل ہونے والے حکیم بابر کو کسی نے زہر دے دیا۔
حالت غیر میں حکیم صاحب کا بیان۔ pic.twitter.com/iRIZEKLMqZ

— 𝐒𝐡𝐚𝐤𝐢𝐫 𝐉𝐮𝐠𝐠𝐚𝐧 (@Letme_145) May 29, 2026

انہوں نے مزید کہا کہ اگر انہیں یا ان کے اہلخانہ کو کوئی نقصان پہنچا تو اس کی ذمہ داری مبینہ طور پر نامزد افراد پر عائد ہوگی۔
دوسری جانب واقعے سے متعلق پولیس یا متعلقہ حکام کا مؤقف تاحال سامنے نہیں آسکا۔ حکیم بابر کی جانب سے لگائے گئے الزامات کی تحقیقات کے بعد ہی اصل حقائق سامنے آسکیں گے۔