الیکشن لڑنے کے لیے برطانوی شہریت چھوڑ دوں گا بیورو کریسی کو ٹھیک سے ہینڈل نہیں کیا گیا ، زلفی بخاری

اسلام آباد (قدرت روزنامہ) زلفی بخاری نے کہا ہے کہ احتساب کے معاملہ پر بھی کوئی بڑی پیشرفت نہیں کرسکے،الیکشن لڑنے کے لئے اپنی برطانوی شہریت چھوڑ دوں گا، ہمیشہ تحریک انصا ف سے ہی الیکشن لڑوں گا . روزنامہ جنگ کے مطابق اگلی حکومت بھی پاکستان تحریک انصاف کی ہوگی، پی ٹی آئی مزید بہتر کارکردگی بھی دکھاسکتی تھی لیکن چیلنجز بہت زیادہ تھے، گورننس کے راستے میں مشکلات آتی ہیں ، کس طرح کی مشکلات آئیں گی اس کی ہمیں توقع نہیں تھی، کہتے ہیں پنجاب میں خراب گورننس ہے.خرابی کیا ہے کسی کے پاس جواب نہیں ہے، ملک کو

درپیش مسائل بہت زیادہ ہیں پانچ سال میں سارے حل نہیں ہوسکتے، صحت کارڈ اور سمندر پار پاکستانیوں کیلئے ووٹ کا حق حکومت کے بڑے کارنامے ہیں .

ان خیالات کا اظہار انہوں نے ایک انٹرویو میں کیا . زلفی بخاری کا کہنا تھا کہ بیوروکریسی کو اس طرح ہینڈل نہیں کیا جس طریقے سے کیا جاناچاہئے، شاید ہم اچھے لوگوں کو فل فلیش طریقے سے آگے نہیں لاسکے، یہ سچ ہے کہ ملک میں مہنگائی ہے مگر اس وقت دنیا بھر میں مہنگائی ہے . مارچ اپریل تک انٹرنیشنل کموڈٹی پرائس کم ہونے سے مہنگائی کم ہوگی، وزیراعظم عمران خان عوام کیلئے فکرمند اور مسائل سے بخوبی واقف ہیں،.خیبرپختونخوا بلدیاتی انتخابات میں شکست کی بڑی وجہ مہنگائی اور ٹکٹوں کی غلط تقسیم تھی، تحریک انصاف کی حقیقی اپوزیشن صرف مہنگائی ہے .