پی سی بی کا جدہ میں جدید کرکٹ سٹیڈیم بنانے کا اعلان

لاہور(قدرت روزنامہ)پاکستان کرکٹ بورڈ جدہ میں جدید کرکٹ اسٹیڈیم بنائے گا اس حوالے سے پی سی بی اور سعودی عرب کرکٹ فیڈریشن کے مابین معاہدہ طے پا گیا ہے۔
اے آر وائی نیوز کے مطابق پاکستان کرکٹ بورڈ سعودی عرب کے شہر جدہ میں جدید کرکٹ اسٹیڈیم بنائے گا۔ اس حوالے سے پی سی بی اور سعودی عرب کرکٹ فیڈریشن کے مابین ایک تاریخ ساز معاہدہ طے پا گیا ہے۔
چئیرمین پی سی بی محسن نقوی اور سعودی عرب کرکٹ فیڈریشن کے چیئرمین شہزادہ سعود بن مشعل بن محمد آل سعود نے اسٹریٹجک مفاہمتی یادداشت پر دستخط کر دیے۔
اس معاہدے کے تحت ایک جدید کرکٹ اسٹیڈیم بنایا کیا جائے گا، جو بین الاقوامی مقابلوں کے تمام تقاضے پورے کرے گا۔
اس سلسلے میں پی سی بی اور ایس اے سی ایف کرکٹ انفراسٹرکچر کی ترقی، تیکنیکی مہارت، وینیو پلاننگ اور آپریشنل معیارات کے شعبوں میں مل کر کام کریں گے۔
یہ منصوبہ سعودی عرب کو مستقبل میں بین الاقوامی کرکٹ میچز اور بڑے عالمی ایونٹس کی میزبانی کے قابل بنانے میں اہم کردار ادا کرے گا۔
اس کے علاوہ پاک سعودی شراکت داری کے تحت جدید اور مربوط کرکٹ انفراسٹرکچر بھی تعمیر کیا جائے گا اور سعودی عرب میں کرکٹ کے فروغ کے علاوہ کھلاڑیوں کے لیے نئے مواقع پیدا کیے جائیں گے۔

وقّع الاتحادان السعودي والباكستاني للكريكت مذكرة تفاهم استراتيجية لتطوير ملعب كريكت في مدينة جدة.

وتمثل هذه المخرجات الاستراتيجية الأثر المستهدف لهذه الشراكة، بما يدعم مستهدفات رؤية السعودية 2030.@TheRealPCB #SACF | #SaudiCricket | #Vision2030 pic.twitter.com/cx8GPsFyqP

— الاتحاد السعودي للكريكت | Saudi Cricket (@cricketsaudi) July 1, 2026

چیئرمین سعودی عرب کرکٹ فیڈریشن شہزادہ سعود بن مشعل بن محمد آل سعود نے کہا کہ پاک سعودی شراکت داری صرف کرکٹ سٹیڈیم کی تعمیر تک محدود نہیں ہو گی بلکہ یہ مضبوط شراکت داری اور پائیدار سرمایہ کاری کے ذریعے سعودی عرب میں کرکٹ کے روشن مستقبل کی جانب ایک اہم قدم ہے۔
چیئرمین پی سی بی محسن نقوی نے کہا کہ پاکستان کرکٹ بورڈ سعودی کرکٹ میں حصہ ڈالنے پر فخر محسوس کرتا ہے۔ ہم مل کر ایسی شراکت داری قائم کر رہے ہیں، جو کرکٹ کے فروغ کے علاوہ دونوں ممالک کے تعلق کو مزید مضبوط بنائے گی۔