اسلام آباد میں کوئی سڑک بند نہیں، کنٹینرز شہریوں کے تحفظ کیلئے رکھے ہیں، وزارت اطلاعات

اسلام آباد(قدرت روزنامہ)وزارتِ اطلاعات و نشریات نے وفاقی دارالحکومت اسلام آباد کی سڑکوں کی بندش سے متعلق غیر ملکی نشریاتی ادارے الجزیرہ کی رپورٹنگ کو یکسر مسترد کرتے ہوئے اسے غلط، گمراہ کن اور منفی پروپیگنڈا قرار دے دیا۔
تفصیلات کت مطابق سوشل میڈیا پلیٹ فارم ایکس پر وزارتِ اطلاعات کی جانب سے جاری کردہ بیان میں کہا گیا ہے کہ وفاقی دارالحکومت اسلام آباد میں کوئی بھی سڑک بند نہیں کی گئی، اور شہریوں کی جان و مال کے تحفظ کو یقینی بنانے کے لیے اسلام آباد ہائیکورٹ کے احکامات کی روشنی میں صرف مختلف حساس مقامات پر عارضی طور پر کنٹینرز رکھے گئے ہیں۔

𝐅𝐚𝐜𝐭 𝐂𝐡𝐞𝐜𝐤 | 𝐌𝐢𝐧𝐢𝐬𝐭𝐫𝐲 𝐨𝐟 𝐈𝐧𝐟𝐨𝐫𝐦𝐚𝐭𝐢𝐨𝐧 & 𝐁𝐫𝐨𝐚𝐝𝐜𝐚𝐬𝐭𝐢𝐧𝐠

◼️ No roads have been blocked. These containers have been placed as a precaution in Islamabad in compliance with the Honourable Islamabad High Court’s directions to protect citizens’… pic.twitter.com/vMOPFXGB6A

— Fact Checker MoIB (@FactCheckerMoIB) October 2, 2026

ترجمان وزارتِ اطلاعات کا کہنا ہے کہ یہ حفاظتی اقدامات ماضی کے پرتشدد احتجاجی واقعات، انتشار انگیز رویوں اور امن و امان کی نازک صورتِ حال کو مدِ نظر رکھتے ہوئے کیے گئے ہیں، ان اقدامات کا بنیادی مقصد وفاقی دارالحکومت میں امن و امان برقرار رکھنا اور عام شہریوں کا تحفظ یقینی بنانا ہے، جو کہ ریاست کی آئینی و قانونی ذمہ داری ہے اور یہ تمام اقدامات عدالتی تناظر میں اٹھائے گئے ہیں۔
بیان میں مزید کہا گیا ہے کہ غیر ملکی نشریاتی ادارے نے ان حفاظتی اقدامات کو حقائق کے منافقانہ انداز میں محض سڑکوں کی بندش کے طور پر پیش کیا اور زمینی حقائق کو یکسر نظرانداز کیا، حقیقت یہ ہے کہ تمام اہم سڑکیں ٹریفک کے لیے مکمل طور پر کھلی ہیں، غیرملکی نشریاتی ادارے کی اس رپورٹنگ یکطرفہ اور منفی تاثر پیدا کرنے کی مذموم کوشش ہے، اس طرح کے بے بنیاد پروپیگنڈے سے حقائق کو ہرگز تبدیل نہیں کیا جا سکتا۔