آج عمران خان کی سالگرہ کا دن، خان جیل میں مگر پوری سیاست ان کے گرد گھوم رہی، ارشاد بھٹی

اسلام آباد (قدرت روزنامہ) تجزیہ کار ارشاد بھٹی کا کہنا ہے کہ آج عمران خان کی سالگرہ کا دن، خان جیل میں مگر پوری سیاست ان کے گرد گھوم رہی۔ ایکس پر اپنے ٹویٹ میں ارشاد بھٹی نے کہا کہ آج 5 اکتوبر، آج عمران خان کی سالگرہ کا دن، بحثیت کرکٹر ورلڈکپ جتوا دیا، بحثیت سماجی ورکر شوکت خانم جیسے ہسپتال بنا دئیے، بحیثیت سیاستدان وزیراعظم بنے اور آج ملک کی سب سے بڑی پارٹی کے سربراہ، آج عمران خان جیل میں مگر پوری سیاست ان کے گرد گھوم رہی اور آج عمران خان کے سیاسی حریف اقتدار میں مگر پوری دنیا کا مذاق بنے ہوئے،سالگرہ مبارک عمران خان صاحب۔

آج 5 اکتوبر،آج عمران خان کی سالگرہ کا دن،بحثیت کرکٹر ورلڈکپ جتوا دیا،بحثیت سماجی ورکر شوکت خانم جیسے ہسپتال بنا دئیے،بحیثیت سیاستدان وزیراعظم بنے اور آج ملک کی سب سے بڑی پارٹی کے سربراہ،آج عمران خان جیل میں مگر پوری سیاست انکے گرد گھوم رہی اور آج عمران خان کے سیاسی حریف اقتدار میں مگر پوری دنیا کا مذاق بنے ہوئے،سالگرہ مبارک عمران خان صاحب۔۔

— Irshad Bhatti (@IrshadBhatti336) October 5, 2026

اسی طرح ایکس پر سابق وزیر خزانہ اسد عمر نے بانی پی ٹی آئی عمران خان کی سالگرہ پر کہا کہ 20سال کی عمر میں ٹیسٹ کرکٹر، چالیس سال کی عمر میں ورلڈ کپ جیتنے والے کپتان اور تاریخ کے عظیم ترین کھلاڑیوں میں سے ایک ، پچاس سال کی عمر میں کینسر ہسپتال بنایا ، ساٹھ سال کی عمر میں پاکستان کے مقبول ترین سیاستدان،ستر سال کی عمر تک وزیر اعظم اوراب جب 74برس کے ہوئے ہیں تو دنیا میں سب سے زیادہ زیر بحث قیدی ہیں۔
ایکس پر اپنے ٹویٹ میں انہوں نے کہا کہ دہشتگردی پر کسی صورت سمجھوتہ ممکن نہیں۔ اس کے لئے نومبر 2025 میں پختون خواہ کے مشران کا جرگہ ہوا اور مکمل اتفاق رائے سے اعلامیہ جاری ہوا۔ اس جرگہ میں صوبائی حکومت کے علاوہ مسلم لیگ، پیپلزپارٹی، جے یو آئی، جماعت اسلامی، عوامی نیشنل پارٹی، اور صوبے کی تمام پارٹیاں موجود تھیں اور اعلامیہ پر ان کے نمائندوں نے دستخط کئے۔
اعلامیہ بنیاد ہونا چاہئے دہشتگردی ختم کرنے کی کاوش کا۔ وزیر داخلہ 72 گھنٹوں کی دھمکی کے بجائے ان تمام مشران کے ساتھ بیٹھیں۔ سب سے پہلے جائزہ لیں کہ اعلامیہ کے مطابق وفاقی اور صوبائی حکومتوں نے اپنی ذمہ داری پوری کی؟ جس کی بھی کوتاہی ہو اس کی سرزنش کی جائے۔ اگر وفاق کو اس اعلامیہ کے کسی پہلو پر تحفظات ہیں، یا کوئی اضافی اقدام چاہتے ہیں تو مشران کو قائل کرے۔
ہر مسئلہ کیل نہیں اور ہر مسئلے کا حل ہتھوڑا نہیں۔ اس قوم کا اور خاص طور پر بے گناہ پختونوں کا پہلے ہی بہت خون بہہ چکا ہے اور بہت سے فوجی جوان اور افسر دہشتگردی سے مقابلہ کرتے ہوئے اپنے جان نچھاور کر چکے۔ اس قوم کے ماں باپ اپنے بچوں کی لاشیں دفناتے تھک گئے ہیں۔ اور بہت معاملات ہیں سیاست کرنے کو۔ خدارا اس ملک کے لوگوں کی زندگیوں پر سیاست نا کریں۔