بچوں کو روزانہ انڈا کھلانا کیوں ضروری ہے؟

اسلام آباد (قدرت روزنامہ)بچوں کی بہتر نشوونما کے لیے سب سے اہم غذائیں کون سی ہیں، آئیے آج ہم آپ کو بتا تے ہیں۔بچوں کی افزائش اور نشوونما کے لیے اچھی غذا کی اہمیت ہوتی ہے اور اس کا بچوں کی طویل میعادی صحت پر گہرا اثر پڑتا ہے۔
بچوں کو پسندیدہ طریقے سے اچھی غذا کھلانا بھی ضروری ہے۔
امریکی ماہرین کی ایک حالیہ تحقیق سے یہ بات سامنے آئی ہے کہ خواہ انڈے ہاف فرائی ہوں، ابلے ہوئے ہوں، تلے ہوئے ہوں یا آملیٹ کی شکل میں ہوں ان سے بچوں کو جسمانی نشوونما میں مدد مل سکتی ہے۔
سائنسدانوں کا کہنا ہے کہ انڈا بچوں میں جسمانی نشوونما کا ایک سستا ذریعہ ہو سکتا ہے، انڈے بچوں کے چھوٹے پیٹ کے لیے بہترین غذا ہے، انڈا غذائی اجزاء کا مجموعہ ہے اور یہ اپنے آپ میں کافی اہم ہے۔

والدین کم عمر بچوں کو انڈے نہیں دیتےکیونکہ وہ انڈوں سے ہونے والی الرجی سے ڈرتے ہیں۔ایک تحقیق میں بتایا گیا ہے کہ اگر بچوں کو روزانہ ایک انڈا کھلایا جائے تو اس سے ان کے پستہ قد ہونے کا رحجان کم ہوجاتا ہے۔
بچے کی دماغی صلاحیت میں اضافہ کیلئے روزانہ ایک انڈا ضرور ہے کیونکہ انڈے میں وہ تمام ضروری اجزاء موجود ہوتے ہیں جو بچے کے دماغ کی نشوونما بڑھانے میں مددگار ثابت ہوتے ہیں۔انڈے میں فیٹی ایسڈز، پروٹین، کولائن، وٹامن اے اور بی 12، سیلینیئم اور دیگر اہم اجزاء مو جود ہوتے ہیں جو بچے کے دماغ پر اچھے اثرات مرتب کرتے ہیں۔