بی جے پی رہنماؤں نے مسلمانوں کی دل آزاری کی ہے، شیری رحمٰن
اسلام آباد (قدرت روزنامہ)وفاقی وزیر ماحولیاتی تبدیلی شیری رحمٰن نے بھارتی حکمراں جماعت بی جے پی رہنماؤں کے توہین آمیز بیانات کی سخت مذمت کرتے ہوئے کہا ہے کہ بی جے پی رہنماؤں نے مسلمانوں کی دل آزاری کی ہے۔
مائیکرو بلاگنگ سائٹ ٹوئٹر پر جاری اپنے بیان میں شیری رحمٰن نے کہا کہ پیارے نبی ﷺ کے بارے میں بی جے پی رہنماؤں کے اشتعال انگیز بیانات کی شدید مذمت کرتے ہیں۔
انہوں نے کہا کہ نا صرف بھارت بلکہ دنیا بھر کے مسلمانوں کے جذبات مجروح ہوئے ہیں، عالمی دنیا اور انسانی حقوق کی تنظیمیں اس کا نوٹس لیں۔
It is high time the blatant exclusion of religious minorities, especially Muslims in India,is taken note of by global rights bodies as well as political leaders who hold up standards of inclusion and tolerance for everyone. Team Modi needs to be judged by the same standard. 2/2
— SenatorSherryRehman (@sherryrehman) June 5, 2022
ان کا کہنا تھا کہ مودی حکومت حساس مذہبی معاملات پر لوگوں میں نفرت پھیلا رہی ہے، عالمی دنیا کا رواداری کا معیار باقی ممالک کے لیے الگ اور مودی کے لیے الگ نہیں ہو سکتا۔
شیری رحمٰن نے کہا کہ بھارتی انتہا پسندی دنیا کے لئے ایک خطرہ بن چکی ہے، بی جے پی رہنماؤں کی صرف پارٹی رکنیت معطل کرنا کافی نہیں، مودی سرکار کو دنیا کے تمام مسلمانوں سے باضابطہ معافی مانگنی چاہیے۔خیال رہے کہ بی جے پی ترجمان نوپور شرما نے بھارتی چینل پر اسلام سے متعلق گستاخانہ گفتگو کی تھی۔