”یارتم اپنے جنازے کا بندوبست کرو“لیفٹیننٹ جنرل (ر) آصف یاسین ملک کی صحافی کو دھمکیاں، ویڈیو بھی سامنے آگئی
اسلام آباد (قدرت روزنامہ)اسلام آباد میں سابق فوجی افسران کی ایک تنظیم ” ویٹرنز آف پاکستان “ نے گزشتہ روز پریس کانفرنس کی تاہم جب سوالات کا مرحلہ آیا تو تنازع کھڑا ہو گیا جس کی ویڈیو سوشل میڈیا پر تیزی سے وائرل ہو رہی ہے ، ویڈیو میں دیکھا جا سکتا ہے کہ سابق فوجی افسر ، سینئرصحافی اعزاز سید کو دھمکی دیتے ہوئے کہتے ہیں کہ ” اپنے جنازے کی تیاری کرو“ ۔
تفصیلات کے مطابق سوشل میڈیا پر وائرل ہونے والی ویڈیو میں دیکھا جا سکتا ہے کہ اعزاز سید نے سوال کیا کہ ملک میں جوحالات ہیں ، جرنیلوں کو اپنی زمین واپس کرنی چاہیے ؟جس پر لیفٹیننٹ جنرل ریٹائرڈ آصف یاسین جواب دیتے ہوئے کہتے ہیں کہ ” تم اپنے جنازے کا بندو بست کرو ، اپنی عزت سنبھالو“۔ اعزاز سید نے آگے سے کہا کہ میں نے اپنی عزت سنبھالی ہوئی ہے ،، آپ اپنی سنبھالیں ، صھافیوں کو سوال نہیں کرنے دیا گیا ، کیا جرنیلوں کو سیاست میں حصہ لینا چاہیے ؟
ریٹائرڈ جنرل آصف یاسین اعزاز سید سے دور جانے کی کوشش کرتے ہیں لیکن صحافی کیمرہ لیے ان کے پیچھے جاتاہے اور سوال کرتاہے کہ ” آپ کے دور میں اسامہ بن لادن کا واقعہ ہوا، آپ نے عہدے سے استعفیٰ کیوں نہیں دیا ، 2 مئی 2012 کو امریکہ نے آپریشن کیا آپ نے کیا کارروائی کی جبکہ آپ سیکریٹری دفاع تھے ۔
اس سے قبل مطیع اللہ جان کے سوال پر پریس کانفرنس بھی ختم کی جا چکی تھی۔ اس پریس کانفرنس میں یوں تو بڑے بڑے دعوے کیے گئے، جن میں سے ایک یہ تھا کہ آرمی چیف جنرل قمر جاوید باجوہ نے ان سے وعدہ کیا تھا کہ وہ 90 دن میں الیکشن کروا دیں گے۔
اعزاز سید کو ریٹایرڈ جنرل کہہ رہے ہیں کہ “یار تم اپنے جنازے کا بندوبست کرو”
کیا ایک سوال پر ایسی بات کہنا فاشزم نہیں ہے؟ @AzazSyed keep asking questions pic.twitter.com/HoMqDiBIVa— Waseem Abbasi (@Wabbasi007) June 6, 2022
