آج رات تاریخی اجتماع ہوگا، اسد عمر

لاہور (قدرت روزنامہ)پاکستان تحریک انصاف (پی ٹی آئی) کے سینئر رہنما اسد عمر کا کہنا ہے کہ جلسے کی تمام تیاریاں مکمل ہیں، آج رات تاریخی اجتماع ہوگا۔لاہور کے ہاکی اسٹیڈیم میں میڈیا سے گفتگو کرتے ہوئے اسد عمر نے کہا کہ 75 سال پہلے اسی لاہور میں لٹے ہوئے قافلے آ رہے تھے۔
انہوں نے کہا کہ قوم حقیقی آزادی کے لیے کھڑی ہے، مینار پاکستان 4 دفعہ بھر چکے ہیں۔اسد عمر کا کہنا ہے کہ پورےملک میں لوگ کھڑے ہو کر اپنے کپتان کے ساتھ قومی ترانہ پڑھیں گے۔
واضح رہے کہ پاکستان تحریک انصاف (پی ٹی آئی) آج کھیل کے میدان میں سیاسی میدان سجائے گی۔ہاکی اسٹیڈیم میں جلسے سے چیئرمین پی ٹی آئی عمران خان خطاب کریں گے۔