شوہر کی گرفتاری کے بعد شلپا شیٹھی کی پہلی بار عوامی تقریب میں شرکت، خطاب کے دوران کیا باتیں کیں؟ جانئے
تقریب سے خطاب کے دوران شلپا نے پہلے سانس لینے کی مشقیں کیں اور بعد ازاں منفی خیالات پر قابو پانے سے متعلق گفتگو کی . منفی خیالات پر قابو پانے کے لیے اداکارہ نے اپنی سانسوں کو کنٹرول کرنے کی اہمیت پر زور دیا . اداکارہ نے تقریب کے شرکا کو مشکل وقت کے دوران یوگا کی اہمیت سے متعلق بھی بتایا اور ساتھ ہی وبا سے محفوظ رہنے کے لیے ماسک پہننے، سماجی دوری اختیار کرنے اور ویکسین لگوانے پر بھی زور دیا . خیال رہے کہ بالی وڈ اداکارہ شلپا شیٹی کے شوہر راج کندرا ایک ماہ سے پولیس کی حراست میں ہیں اور عدالت نے اہم ملزم ہونے پر چند روز قبل ان کی درخواست ضمانت بھی مسترد کردی تھی . ایک بھارتی ماڈل نے راج کندرا کے خلاف درخواست دائر کرتے ہوئے کہا تھا کہ انہیں ویب سیریز اور فلموں میں موقع فراہم کرنے کی لالچ دی گئی تھی جس کے بعد ان سے زبردستی بولڈ سین شوٹ کروائےگئے تھے . . .
