ہانیہ عامر کو کڑی تنقید کے بعد ڈانس ویڈیو ڈیلیٹ کرنی پڑ گئی
اسلام آباد (قدرت روزنامہ)پاکستانی معروف اداکارہ ہانیہ عامر کو انٹرنیٹ صارفین کی جانب سے کڑی تنقید کے بعد صوفی کلام پر بنائی گئی ڈانس ویڈیو ڈیلیٹ کرنی پڑ گئی۔
نہایت چلبلی ہونے کے سبب اداکارہ ہانیہ عامر کو خود بھی پتہ نہیں چلتا کہ وہ سوشل میڈیا پر کب کیا اپلوڈ کر رہی ہیں اور کس پوسٹ کا کیا نتیجہ نکل سکتا ہے۔
View this post on Instagram
گزشتہ دنوں ہانیہ عامر نے بھارتی گلوکار اے آر رحمٰن کے صوفی کلام ’پٹاخہ گڈی‘ پر ڈانس کرتے ویڈیو شیئر کی، اس ویڈیو میں اُن کے ساتھ ایک اور ساتھی اداکارہ کو بھی دیکھا جا سکتا ہے۔
اس ویڈیو پر سیکڑوں مداحوں سمیت معروف میزبان و ماڈل متھیرا نے بھی افسوس کا اظہار کرتے ہوئے تنقید کی۔
View this post on Instagram
متھیرا کا اپنے کمنٹ میں کہنا تھا کہ میں معذرت چاہتی ہوں، مجھے یہ ویڈیو نامناسب لگی ہے، آپ نام علیؓ پر ڈانس نہیں کر سکتے۔
انہوں نے مزید لکھا کہ مجھے ڈانس بے حد پسند ہے اور ہانیہ عامر بھی بہت کیوٹ لگ رہی ہیں مگر یہ صوفی کلام پر ڈانس کرنا کسی بھی مسلم کو مجروح کر سکتا ہے۔بعد ازاں کڑی تنقید کے بعد ہانیہ عامر کی جانب سے اپنے انسٹاگرام اکاؤنٹ سے یہ ویڈیو ڈیلیٹ کر دی گئی۔
