میں کابل نہیں گیا، پاکستان میں ہی ہوں، شاہ محمود قریشی

اسلام آباد (قدرت روزنامہ)وزیر خارجہ شاہ محمود قریشی نے کہا ہے کہ میر ے کابل جانے کی بھارتی میڈیا کی رپورٹس بے بنیاد ہیں۔ میں کابل نہیں گیا بلکہ پاکستان میں اہم ملاقاتوں میں شرکت کی۔ایک بیان میں شاہ محمود قریشی نے کہا کہ بھارتی میڈیا کو پہلے ہر معاملے کی تصدیق کرنی چاہیے۔ میں افغانستان کے پڑوسی ممالک کے دورے پر جا رہا ہوں۔ پاکستان کے پڑوسی ممالک افغانستان میں امن چاہتے ہیں۔
وزیرخارجہ شاہ محمو د قریشی نے کہا کہ بھارت افغانستان سے اچھے تعلقات کا دعویدار رہا ہے تاہم نئی دہلی کا کردار وقت بتائے گا۔ ایک قوت افغانستان کے حالات بگاڑنا چاہتی ہے۔ چینی وزیر خارجہ سے افغانستان کے مسئلے پر بات ہو چکی ہے۔