اسلام آباد (قدرت روزنامہ)واٹس ایپ نے اپنی سروس کو مزید محفوظ بنانے کے لیے ایک نیا فیچر متعارف کروانے کا فیصلہ کیا ہے۔میٹا کی ملکیت واٹس ایپ نے اپنے اینڈرائیڈ اور آئی او ایس صارفین کو سیکیورٹی کی ایک اضافی تہہ فراہم کرنے کے لیے لاک کا فیچر متعارف کروایا ہوا ہے۔
اس فیچر کی مدد سے صارفین اپنے اینڈرائیڈ اسمارٹ فونز پر اپنے فنگر پرنٹ کا استعمال کرتے ہوئے یا آئی فون پر ٹچ آئی ڈی یا فیس آئی ڈی کے ساتھ ایپ کو ان لاک کرسکتے ہیں۔اب واٹس ایپ کی جانب سے اس سیکیورٹی فیچر کو واٹس ایپ ڈیسک ٹاپ پر لانے کا منصوبہ بنایا جارہا ہے۔
واٹس ایپ کی اپ ڈیٹس کے حوالے سے معلومات فراہم کرنے والی ویب سائٹ واٹس ایپ بیٹا انفو (WABetaInfo) کے مطابق، میسجنگ پلیٹ فارم ایک نئے فیچر پر کام کر رہا ہے جو کہ صارفین کے لیے پاس ورڈ ترتیب دے کر واٹس ایپ ڈیسک ٹاپ ایپ کو محفوظ رکھنے میں مدد دے گا۔
ڈیسک ٹاپ کے لیے یہ اسکرین لاک واٹس ایپ کو سیکیورٹی کی ایک اضافی تہہ فراہم کرے گا۔سیکیورٹی کی یہ اضافی تہہ پی سی یا لیپ ٹاپ پر واٹس ایپ چیٹس تک بغیر اجازت رسائی کو روکنے کے لیے مدد گار ثابت ہوگی۔ رپورٹ کے مطابق، واٹس ایپ ڈیسک ٹاپ کے لیے اسکرین لاک فیچر فی الحال تیار ہو رہا ہے اور جلد ہی اسے کچھ بیٹا ٹیسٹرز کے لیے جاری کردیا جائے گا۔
یہاں یہ بات قابلِ ذکر ہے کہ واٹس ایپ اسکرین لاک فیچر کو اینڈرائیڈ اور آئی او ایس ورژن کی طرح ڈیسک ٹاپ صارفین کے لیے بھی آپشنل رکھے گا۔
دبئی (قدرت روزنامہ) آئی سی سی نے ویسٹ انڈیز کے کھلاڑی ’ڈیوون تھامس‘ پر 5…
لاہور(قدرت روزنامہ)نان بائی ایسوسی ایشن نے 8 مئی کو پنجاب اور خیبر پختونخوا میں شٹر…
ممبئی(قدرت روزنامہ)6سال قبل آسٹریلیا میں کامیاب شوز کرنے کے بعد واپس بھارت آتے ہوئے کامیڈین…
اسلام آباد (قدرت روزنامہ)وزرات خزانہ نے پاسپورٹ کا موجودہ بیک لاگ ختم کرنے کےلئے فنڈز…
لاہور(قدرت روزنامہ ) جماعت اسلامی نے گندم کی خریداری نہ کئے جانے کے خلاف تحریک…
اسلام آباد (قدرت روزنامہ) وفاقی دارالحکومت میں 10 کلو آٹے کے تھیلے کی قیمت میں…