شدید طوفانی بارش میں بھی دعا مانگتے رہے ۔۔ بیت اللّٰہ میں طواف کے روح پرور مناظر، خوبصورت ویڈیو

اسلام آباد (قدرت روزنامہ)خانہ کعبہ مسلمانوں کے لیئے دنیا کی سب سے خوبصورت اور مقدس جگہ ہے جہاں جانا اور بیت اللّٰہ کے سامنے کھڑے ہو کر دعا مانگنا، یہ وہ خواب ہے جو ہر کوئی دیکھتا ہے . کل مکہ مکرمہ میں کالی گھٹائیں خوب جم کر برسیں، جس کے بعد بیت اللہ شریف کی چھت پر برسنے والی بارش اور میزابِ رحمت سے گرتے پانی کے قطروں کے روح پرور مناظر سوشل میڈیا پر وائرل ہوگئے .

بارش کے دوران عمرہ زائرین نے طواف جاری رکھا، جس کی متعدد ویڈیوز سوشل میڈیا پر وائرل ہورہی ہیں . معتمرین کو طواف کےدوران اللہ سے اپنی التجائیں مانگتے دیکھا جا سکتا ہے جو بارش کے دوران اللہ سے اپنے اور اپنے پیاروں کے لیے خیر کی دعائیں مانگ رہے ہیں .
دوسری جانب مدینہ منورہ میں بھی بارانِ رحمت برستی رہی .
بارش کے بعد مسجد کے داخلی اور خارجی راستوں سے پانی نکالنے کے لیے ہرممکن اقدامات کیے گئے ہیں تاکہ زائرین آسانی اور سہولت کے ساتھ مناسک اور عبادات ادا کر سکیں .