لوگوں کو یقین نہیں آتا ڈاکٹر ہوں، کہتے ہیں بس نام کے ساتھ لگا لیا، شائستہ لودھی
کراچی (قدرت روزنامہ) پاکستان شوبز انڈسٹری میں بطورِ مارننگ شو میز بان شہرت حاصل کرنے والی شائستہ لودھی میزبان، اداکار اور ڈاکٹر بھی ہیں .
ڈاکٹر شائستہ لودھی نے جناح سندھ میڈیکل یونیورسٹی سے ایم بی بی ایس کی تعلیم حاصل کی اور اب وہ بطورِ طبی ماہرِ جمالیات (Aesthetic physician) کراچی اور لاہور میں اپنا کلینک چلاتی ہیں ساتھ ہی شوبز کی دنیا سے بھی جڑی رہتی ہیں ان دنوں شائستہ ڈرامہ سیریل ’سمجھوتہ‘ میں نظر آ رہی ہیں .
حال ہی میں غیر ملکی میڈیا کو دیئے ایک انٹرویو میں شائستہ کا کہنا تھا کہ انہیں شوبز کا حصہ ہونے کی وجہ سے ڈاکٹری کی تعلیم حاصل کرنے اور ڈاکٹر بننے کے بعد کافی مشکلات کا سامنا کرنا پڑا .
View this post on Instagram
ان کا کہنا تھا کہ شوبز انڈسٹری سے تعلق رکھنے کی وجہ سے لوگ نہیں سنجیدگی سے نہیں لیتے تھے وہ جب کسی کانفرنس میں جاتیں تو سب انہیں صرف ایک میزبان یا اداکارہ کی نظر سے ہی دیکھتے تھے .
شائستہ نے بتایا کہ لوگ کہتے تھے یہ صبح شو میں پُرانی شرٹ کو نیا بنانے کا طریقہ بتا رہی ہوتی ہے اور اب ادھر آ گئی ہے پڑھنے کے لیے، یہ ڈاکٹر ہے بھی؟شائستہ نے بتایا کہ اکثر لوگوں کا تو کہنا تھا کہ شائستہ تو وہ ہے جو مارننگ شو کی میزبان ہے، یہ واقعی ڈاکٹر ہے یا نام کے ساتھ بس ڈاکٹر لگا لیا ہے .
View this post on Instagram
شائستہ لودھی کا کہنا تھا کہ وہ ان سب مشکلات کے باوجود بھی مستقل مزاجی سے آگے بڑھتی رہیں اور ڈاکٹر بن کر اپنا کلینک کھولا جبکہ اب وہی لوگ ان کے پاس آکر خوبصورتی میں اضافے کیلئے ان سے مشورے کرتے ہیں اور اپنا علاج کرواتے ہیں .
