“نکاح آدھا دین ہے”،علیزےسلطان دوسری شادی کرنے کی خواہاں

کراچی(قدرت روزنامہ)پاکستان شوبز انڈسٹری کے معروف اداکار فیروز خان کی سابقہ اہلیہ علیزےسلطان نے طلاق کے بعد کی زندگی اور دوسری شادی کی خواہش کا اظہار کرتے ہوئے کہا کہ” وہ جلد دوسری شادی بھی کریں گی کیونکہ نکاح آدھا دین ہے”۔

فوٹو اینڈ ویڈیو شیئرنگ پلیٹ فارم انسٹاگرام پر علیزے فاطمہ نےطلاق کے بعد پہلی مرتبہ اپنے مداحوں کے ساتھ سوال جواب کا سیشن رکھا، جس میں انہوں نے طلاق کے بعد کی زندگی، مستقبل کی منصوبہ بندی اور ممکنہ شادی پر کھل کر بات کی۔ سوال جواب کے سیشن کے دوران ایک مداح نے سوال کیا کہ “علیزے کیلئے طلاق کے بعد اکیلے بچوں کی پرورش اور ہمارے معاشرے کا سامنا کرنا کیسا رہا؟”علیزے نے اس سوال کے جواب میں بتایا کہ “جب آپ کے ساتھ اللہ ہو، اہل خانہ ہوں اور چاہنے والوں کی دعائیں اور محبتیں ہوں تو ہر چیز ٹھیک ہوجاتی ہے”۔

ایک صارف نے سوال کیا کہ” کیا طلاق کے بعد آپ زیادہ پُر اعتماد ہوگئی ہیں؟ “جس کے جواب نے ان کا کہنا ہے کہ “جب آپ کی تذلیل کرنے والا کوئی نہیں ہوتا تو آپ کھِل اُٹھتے ہیں”۔

ایک اور مداح نے سوال کیا کہ” کیا آپ دوسری شادی کے بارے میں سوچتی ہیں؟ کاش آپ کو ایک اچھا اور قدر کرنے والا شخص اور تمام خوشیاں مل جائیں”، اس پر علیزے فاطمہ نے کہا کہ “شادی نصف ایمان ہے اور ہر چیز اپنے وقت پر ہوجاتی ہے”۔

جب آئی ایم کیساتھ سٹاف لیول معاہدہ طے پاجائے گا قوم کو آگاہ کریں گے ، اسحاق ڈار

ایک مداح نے ان سے یہ سوال کیا کہ جب فیروز خان کے اہل خانہ نے بغیر کسی وجہ کے آپ کو ریجیکٹ کردیا تو آپ نے اس پر کیسے قابو پایا؟اس سوال کے جواب میں علیزے فاطمہ نے کہا کہ” آپ کو کسی سے منظوری لینے کی کیا ضرورت ہے؟”

اس سوال جواب کے سیشن کے اختتام میں علیزے سلطان نے مداحوں کا شکریہ ادا کر تے ہوئے کہا کہ “اگر مشکل وقت میں آپ لوگوں کا ساتھ نہیں ہوتا تو وہ زندگی میں آگے نہیں بڑھ سکتی تھیں”۔

یاد رہے کہ علیزہ سلطان اور فیروز خان نے 2018 میں شادی کی تھی تاہم دو بچوں کی پیدائش کے بعد اس جوڑی نے راہیں جدا کرتے ہوئے ستمبر 2022 میں طلاق لے لی تھی۔