زمان پارک آپریشن سے متعلق عمران خان کی ٹوئٹ، ماہرہ خان کا رد عمل

اسلام آباد (قدرت روزنامہ)بین الاقوامی شہرت یافتہ اداکارہ ماہرہ خان نے زمان پارک میں ہونے والے آپریشن سے متعلق پی ٹی آئی چیئرمین عمران خان کی ٹوئٹ پر ردعمل دیا ہے۔گزشتہ روز عمران خان نے اپنی رہائش گاہ کے باہر کے مناظر ٹوئٹر اکاؤنٹ پر شیئر کیے جس پر سوشل میڈیا صارفین سمیت ماہرہ خان نے بھی تبصرہ کیا۔

This is absolutely ridiculous! Praying for everyone’s safety and for some sanity to prevail! https://t.co/lGmrT2gWoN

— Mahira Khan (@TheMahiraKhan) March 15, 2023

عمران خان کی جانب سے ویڈیو پوسٹ کرنے کے کچھ دیر بعد ماہرہ خان نے اس ویڈیو کو شیئر کیا اور اس صورتحال کو نامعقول قرار دیتے ہوئے لکھا ‘میں ہر شخص کی حفاظت اور عقل سے کام لینے کے لیے دعا گو ہوں’۔
اس کے علاوہ بھی کئی اداکاروں نے عمران خان کے حق میں سوشل میڈیا پر پوسٹس شیئر کیں۔اداکارہ مایا علی نے عمران خان کی حمایت کا اعلان کیا اور ساتھ ہی ان کی حفاظت کے لیے دعا کی۔

یوٹیوبر شاہ ویر جعفری نے ٹوئٹر پر جاری بیان میں لکھا مجھے لگتا ہے کہ خان کو اپنے بارے میں زیادہ سوچنے کی ضرورت ہے، وہ ایک حقیقی رہنما اور فائٹر ہیں۔

I wish KHAN thought about himself more. He’d be living a lavish retired life now.

Instead, he thought of US and our FUTURE and the system wants him gone. A true fighter. A true leader!! https://t.co/H4Jo9Gubfm

— Shahveer Jafry (@shahveerjaay) March 14, 2023

خیال رہے کہ تحریک انصاف کے چیئرمین عمران خان کی گرفتاری کے لیے زمان پارک آنے والی پولیس اور پی ٹی آئی کارکنان کے درمیان منگل کے روز شروع ہونے والی جھڑپیں بدھ کو دوسرے دن سہ پہر تک جاری رہیں۔