ویڈیو: مشی خان عمران خان کی گاڑی کے پیچھے بھاگتی رہیں

اسلام آباد (قدرت روزنامہ)سابق وزیراعظم اور پی ٹی آئی کے چئیر مین عمران خان کی اسلام آباد میں پیشی کے موقع پر نامور اداکارہ مشی خان پھول لے کران کی گاڑی کے پیچھے بھاگتی رہیں۔گزشتہ روز عمران خان کی اسلام آباد کے جوڈیشل کمپلیکس میں پیشی تھی اور وہ لاہور سے براستہ سڑک اسلام آباد پہنچے۔
ویڈیو پی ٹی آئی کی جانب سے سوشل میڈیا پر جاری کی گئی ،جس میں دیکھا جا سکتا ہے کہ مشی خان ہاتھوں میں پھول لیے عمران خان کی گاڑی کے پیچھے بھاگ رہی ہیں۔مشی خان نے اپنے لئے اس موقع کو تاریخی لمحات قرار دیا۔

سوشل میڈیا صارفین اور شوبزاندسٹری کے اسٹارز کی جانب سے مشی خان کی اس ویڈیو پر تعریفی کلمات اور لاتعداد محبت کا اظہار کیا جا رہا ہے۔پاکستان کی موجودہ سیاسی صورتحال پر ناصرف سیاستدان ، عوام بلکہ اب شوبز ستارے بھی کھل کر اظہار کرتے نظر آرہے ہیں۔