ناریل کا پانی صحت کے لیے کتنا فائدہ مند ہے؟ حیران کن جدید تحقیق

اسلام آباد (قدرت روزنامہ)طبی ماہرین کا کہنا ہے کہ ناریل کے پانی میں بہت سی بیماریوں کا علاج ہے۔ ناریل کے پانی کو بچوں کے ڈبے کے دودھ سے بہتر مانا جاتا ہے یہی وجہ ہے کہ ناریل کا پانی ہمیں کئی بیماریوں میں فائدہ پہنچاتا ہے۔
ناریل کا پانی دنیا کے بہترین مشروب میں شامل ہے اس پانی میں ہمیں مکمل غذائیت ملتی ہے۔ناریل کے پانی میں وٹامن بی، وٹامن سی، کیلشیم، میگنیشیم، پروٹین اور آئرن پایا جاتا ہے۔
ناریل کا پانی دن میں صرف ایک بار ہی استعمال کریں اور ایک سے زیادہ بار ناریل کا پانی نہ پیئں زیادہ مقدار میں ناریل کے پانی کا استعمال نقصان دہ ثابت ہو سکتا ہے۔ ناریل کا پانی سردیوں کی نسبت اگر گرمیوں کے موسم میں استعمال کیا جائے تو فوائد زیادہ بہتر ہوتے ہیں۔
طبی تحقیق سے واضح ہے کہ ایسے افراد جو ناریل کا پانی باقاعدگی سے استعمال کرتے ہیں ان میں ناصرف خون کی گردش بہتر ہوتی ہے بلکہ ان کا فشار خون بھی معمول پر رہتا ہے۔
اس کے علاوہ ایسے افراد میں دل کے دورے سمیت دیگر دل کے امراض دوسروں کے مقابلے میں کم ہوتے ہیں۔ ناریل کا پانی خون میں شکر کی مقدار کو بھی کنٹرول کرتا ہے۔اگرآپ چہرے پر کیل مہاسوں سے پریشان ہیں تو فوری طور پر ناریل کے پانی سے چہرے کا مساج کریں ۔
ناریل کا پانی ہاتھوں کو نرم اور ناخنوں کو خوبصورت رکھنے کے لیے بھی استعمال کیا جاسکتا ہے۔
واضح رہے کہ دیگر ممالک کی طرح پاکستان میں بھی ناریل کا پانی باآسانی دستیاب ہے اور یہ زیادہ مہنگا بھی نہیں ہے ہر کوئی اسے خرید سکتا ہے۔