مکہ مکرمہ کے معروف کلاک ٹاور سے آسمانی بجلی ٹکرا گئی
مکہ مکرمہ (قدرت روزنامہ) مکہ مکرمہ میں طوفانی بارش کے دوران آسمانی بجلی کلاک ٹاور سے ٹکرا گئی . تفصیلات کے مطابق مکہ مکرمہ سمیت اطراف میں گرج چمک اور طوفانی ہواؤں کے ساتھ موسلا دھار بارش ہوئی، اس دوران مسجد الحرام کے قریب مکہ کی معروف عمارت کلاک ٹاور پر آسمانی بجلی آگری جس کی ویڈیو سوشل میڈیا پر وائرل ہوگئی .
معلوم ہوا ہے کہ بارش کے دوران مسجدالحرام میں عمرہ زائرین نے طواف جاری رکھا اور اپنی عبادات میں مصروف رہے، اس کے باعث صحن حرم میں ایمان افروز مناظر دیکھے گئے، مسجدالحرام کے ساتھ مکہ مکرمہ کے دیگر علاقوں میں بھی گرج چمک کے ساتھ موسلا دھار بارش ہوئی، جس کی وجہ سے سڑکیں زیر آب آ گئیں .⛈️ ⚡ Thunderstorms & Lightening at Masjid Al Haram pic.twitter.com/jIeJULMbUq
— 𝗛𝗮𝗿𝗮𝗺𝗮𝗶𝗻 (@HaramainInfo) August 22, 2023
بتایا جاتا ہے کہ حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش سے پیدا ہونے والے مسائل سے نمٹنے کے لیے ہنگامی اقدامات بروقت کیے تاکہ عبادت کے دوران زائرین کی سلامتی کو یقینی بنایا جائے، یہی وجہ ہے کہ بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کرنے کا عمل جاری رہا .فيديو | الآن.. أمطار غزيرة يشهدها الحرم المكي#الإخبارية pic.twitter.com/WWmfj3bmNy
— قناة الإخبارية (@alekhbariyatv) August 22, 2023
جنرل پریذیڈنسی کے انڈر سیکریٹری برائے سروسز اینڈ انوائرمنٹل پروٹیکشن اچیومنٹ انجینیراحمد بن عمر بالعمش نے بتایا ہے کہ بارش کے موسم کے پیش نظر صدارت عامہ نے مسجد الحرام میں اپنی تیاریاں بڑھا دی ہیں، مطاف، مسجد الحرام میں نمازکے لیے مختص ہالوں، داخلی و خارجی راستوں پر بارش سے نمٹنے کے لیے تمام ضروری انتظامات کیے گئے ہیں تاکہ نمازیوں اور عمرہ کے مناسک ادا کرنے والے زائرین کو سکون کے ساتھ عبادت کا موقع فراہم کیا جا سکے . انہوں نے کہا کہ مسجد الحرام کے صحن اور راستوں کو بارش کے پانی سے صاف اور خشک کرنے کے لیے تمام ضروری آلات فراہم کیے گئے ہیں، صحن مطاف، بیرونی مقامات اوربالائی منزلوں میں بارش کے پانی کو ہٹانے اور فرش کو خشک کرنے کے لیے تقریباً 500 سے زائد مشینین اور آلات مہیا کیے گئے ہیں، ایجنسی ایسے معاملات کے لیے ہنگامی منصوبہ بندی کے ذریعے اپنی تیاریاں تیز کر رہی ہے . جنرل پریذیڈنسی کے انڈر سیکریٹری برائے سروسز اینڈ انوائرمنٹل پروٹیکشن اچیومنٹ نے بتایا کہ بارشوں کے پیش نظر احتیاطی منصوبہ بھی تیار کیا گیا ہے، اس ہنگامی منصوبے کے تحت مناسب تعداد میں رضا کار اور مسجد الحرام میں مخلتف جگہوں کی دیکھ بھال کے لیے ضروری آلات فراہم کیے گئے ہیں، بارش کی جیکٹس فراہم کی گئی ہیں اور کافی تعداد میں پلاسٹک واکرز کو مرکزی اور ثانوی داخلی راستوں اور ایسکلیٹرز کے داخلی راستوں پر پھیلائے گئے ہیں . . .#فيديو 🎥
— إمارة منطقة مكة المكرمة (@makkahregion) August 22, 2023
أمطار #الحرم_المكي 🌧️
.#مكه_الان pic.twitter.com/DcrRnG79uU
