غیرملکیوں کی وطن واپسی: کیس سماعت کیلئے کھلی عدالت میں مقرر کیا جائے، تحریری حکمنامہ جاری

اسلام آباد (قدرت روزنامہ)سپریم کورٹ میں غیر ملکی شہریوں کی وطن واپسی کے لئے چیمبر اپیل کی 20 نومبر کی سماعت کا تحریری حکمنامہ جاری کر دیا۔
20 نومبر کو سپریم کورٹ میں غیر ملکی شہریوں کی وطن واپسی کے خلاف درخواست پر سماعت ہوئی، جسٹس یحیی آفریدی نے ان چیمبر اپیل پر سماعت کی۔
عدالت نے چیمبر اپیل میں رجسٹرار آفس کے اعتراضات مسترد کر دیئے، اور افغان شہریوں کی وطن واپسی کے خلاف کیس کھلی عدالت میں لگانے کا حکم دے دیا۔ عدالت نے چیمبراپیل کی 20 نومبر کی سماعت کا تحریری حکمنامہ جاری کردیا ہے۔
سپریم کورٹ نے اپنے حکمنامے میں کہا ہے کہ رجسٹرارآفس کے اعتراضات قانونی نوعیت کے ہیں، درخواست پر عائد اعتراضات کا جائزہ عدالت کو لینا چاہئے، کیس سماعت کیلئے کھلی عدالت میں مقرر کیا جائے۔
واضح رہے کہ جسٹس یحیی آفریدی نے افغان شہریوں کی وطن واپسی کیخلاف اپیل پر ان چیمبر سماعت کی تھی، فرحت اللہ بابر سمیت دیگر نے غیر ملکی شہریوں کی وطن واپسی روکنے کیلئے درخواست دائر کی، رجسٹرار آفس نے درخواست اعتراضات لگا کر واپس کر دی تھی، رجسٹرار آفس کے اعتراضات کیخلاف چیمبر اپیل دائر کی گئی تھی۔