پشاور ہائیکورٹ نے علی امین گنڈا پور اور فیصل جاوید کی ضمانت منظور کر لی

پشاور (قدرت روزنامہ)پشاور ہائیکورٹ نے نامزد وزیر اعلیٰ خیبر پختونخوا علی امین گنڈا پور اور سینیٹر فیصل جاوید کی ضمانت کی درخواست منظور کر لی۔
چیف جسٹس پشاور ہائیکورٹ ابراہیم خان نے علی امین گنڈا پور کی درخواست پر سماعت کی ، چیف جسٹس نے کہا کہ یہ تو پورا مقدمہ ہے، علی امین گنڈا پور کہاں تھے؟ جس پر وکیل نے کہا کہ ہمیں مقدمے کے بارے میں معلوم نہیں تھا۔
بعد ازاں عدالت نے علی امین گنڈا پور کی ضمانت منظور کرتے ہوئے انہیں ایک لاکھ روپے کے مچلکے جمع کرانے کا حکم دے دیا۔
علاوہ ازیں پی ٹی آئی رہنما فیصل جاوید طویل عرصے بعد منظر عام پر آ گئے ، پشاور ہائیکورٹ نے سینیٹرفیصل جاوید کی راہداری ضمانت منظور کر لی ، عدالت نے فیصل جاوید کو بھی ایک لاکھ روپے کے ضمانتی مچلکے جمع کرانے کا حکم دیدیا۔