وزیراعظم شہباز شریف 3روزہ دورے پرسعودی عرب پہنچ گئے

مدینہ منورہ (قدرت روزنامہ)وزیراعظم شہباز شریف وفد کے ہمراہ تین روزہ دورہ پر سعودی عرب پہنچ گئے۔
وزیراعظم کمرشل فلائیٹ کے ذریعے سعودی عرب روانہ ہوئے تھے، دوران پروازوزیراعظم شہباز شریف مسافروں سے گھل مل گئے،پرواز میں موجود دیگر مسافروں نے وزیراعظم کے ساتھ سیلفیاں بنائیں۔

وزیراعظم نے بچوں اور بچیوں کے سر پر ہاتھ رکھا، ان سے حال احوال پوچھا۔
وزیراعلیٰ پنجاب مریم نواز شریف بھی وزیراعظم کے ہمراہ موجود ہیں۔
وزیراعظم کے ہمراہ وفاقی کابینہ کے اراکین اسحاق ڈار، خواجہ آصف، محمد اورنگزیب، عبدالعلیم خان، عطاءاللہ تارڑ اور احد چیمہ بھی موجود ہیں۔
وزیراعظم آج رات مدینہ منورہ میں قیام کریں گے۔