لودھراں میں پولیس اہلکار کی لڑکی کو شادی کا جھانسہ دے کر زیادتی، پھر کیا ہوا؟ افسوسناک انکشاف

لودھراں (قدرت روزنامہ)لودھراں میں نوجوان لڑکی نے پولیس کانسٹیبل کے خلاف جنسی زیادتی کا مقدمہ درج کر وا دیا .

تفصیلات کے مطابق مقدمے کے متن کے مطابق لڑکی کا کہنا ہے کہ ملزم مختار سے فیس بک پر دوستی ہوئی جس نے شادی کا جھانسہ دے کر ملنے کے لیے بلایا تھا، ملزم نے نازیبا تصاویر بنائیں اور بلیک میل کرکے متعدد بار زیادتی کی، اس کے علاوہ دو لاکھ کیش بھی وصول کیا .

پولیس کا کہنا ہے کہ ملزم کے خلاف مقدمہ درج کرلیا گیا ہے لیکن ملزم نے عبوری ضمانت کروا رکھی ہے . تفتیشی افسر کا مؤقف ہے کہ کانسٹیبل مختار کو معطل کردیا گیا ہے جب کہ متاثرہ لڑکی میڈیکل نہیں کروانا چاہتی ہے . دوسری جانب لاہور میں گھرمیں کام کرنے والی لڑکی کو مبینہ طورپر اغوا کرلیا گیا .

بچی کے والد محمد ریاض کا کہنا ہےکہ مشتبہ افراد دھمکیاں دے رہے ہیں اور پولیس پوچھ گچھ نہیں کررہی . علاوہ ازیں لاہور ہی میں لڑکی کو بلیک میل کرنے والے لڑکے کو گرفتار کرلیا گیا، بلیک میلر نے سوشل میڈیا پر لڑکی کی ویڈیوز اپ لوڈ کی تھیں .