ڈیرہ اسماعیل خان (قدرت روزنامہ)ڈیرہ اسماعیل خان کا حلقہ این اے 44 ، پاکستان کا ایک ایسا حلقہ جس سے جیتنے اور ہارنے والے دونوں صوبے کے حکمران بن گئے۔خیبرپختونخوا میں روایتی حریف علی امین گنڈاپور اور فیصل کریم کنڈی صوبے کے گورنر اور وزیراعلی بن گئے ہیں، دونوں کا ڈیرہ اسماعیل خان سے تعلق ہے۔
دونوں شخصیات ایک ہی حلقے سے ایک دوسرے کے خلاف الیکشن لڑتی ہیں جبکہ مولانا فضل الرحمان بھی این اے 44 سے قومی اسمبلی کا الیکشن لڑتے ہیں۔الیکشن 2024 میں علی امین گنڈاپور نے این اے 44 سے فیصل کنڈی اور مولانا فضل الرحمان کو شکست دی تھی۔
فیصل کنڈی نے 2008 میں فضل الرحمان کو شکست دی جس کے بعد وہ پارٹی کی طرف سے قومی اسمبلی کے ڈپٹی اسپیکر بنائے گئے تھے۔
وزیراعلیٰ علی امین نے 2018 اور اب الیکش 2024 میں جمعیت علمائے اسلام کے سربراہ مولانا فضل الرحمان اور صوبے کے موجودہ گورنر فیصل کریم کنڈی دونوں کو قومی اسمبلی الیکشن میں شکست دی۔
انہوں نے یہاں سے صوبائی اسمبلی کی سیٹ بھی جیتی اور اسے برقرار رکھتے ہوئے صوبے کے وزیراعلی بن گئے جبکہ ان سے ہارنے والے اپنے رہنما فیصل کریم کنڈی کو پیپلزپارٹی نے صوبے کا آئینی سربراہ بنا دیا ہے۔
اسلام آباد (قدرت روزنامہ)وزیراعظم شہباز شریف کی زیر صدارت خصوصی سرمایہ کاری سہولت کونسل کی…
اسلام آباد (قدرت روزنامہ)وزیر اعظم شہباز شریف نے کہا ہے کہ حقیقت یہ ہے کروڑوں…
اسلام آبا د(قدرت روزنامہ)وزیر اعلیٰ خیبر پختونخوا علی امین گنڈاپور نے کہا ہے کہ صوبے…
لاہور (قدرت روزنامہ)سابق صوبائی وزیر صحت اور رہنما تحریک انصاف ڈاکٹر یاسمین راشد جیل جانے…
اسلام آباد (قدرت روزنامہ) محکمہ موسمیات نے شدید گرمی اور ہیٹ کے ویو کے بعدمعمول…
لاہور (قدرت روزنامہ) ملک کے مختلف شہروں کو گرمی نے اپنی لپیٹ میں لے رکھا…