تاریخ میں پہلی بار” پارلیمنٹ” قومی اسمبلی کے اجلاس میں نماز جمعے کا وقفہ نہیں ہوا

جے یو آئی سیکرٹری جنرل رکن قومی اسمبلی مولانا عبدالغفورحیدری کا شدید احتجاج اور اجلاس سے واک آؤٹ
اسلام آباد (قدرت روزنامہ)آج بروز جمعہ قومی اسمبلی کا اجلاس زیر صدارت ڈپٹی اسپیکر سید غلام مصطفی شاہ زیر صدارت چل رہا تھا اس موقع پر جمعیت علماء اسلام کے مرکزی سیکرٹری جنرل رکن قومی اسمبلی مولانا عبدالغفورحیدری نے پوائنٹ آف آرڈر پر شدید احتجاج کیا اور سپیکر سے مخاطب ہوتے ہوئے کہا کہ اللہ کی عذاب کو دعوت دے رہے ہو یہاں جمعے کی نماز ہورہی ہے اور آپ اجلاس چلارہے ہو پندرہ منٹ کا وقفہ تک نہیں کیا . پاکستان میں سارے اسلامی اقدار پامال ہورہے ہیں مگر پارلیمنٹ جس سے توقع کی جاسکتی تھی کہ وہ قوم کا پارلیمنٹ ہیں
اس میں بیٹھنے والے پاکستانیوں کے دینی اقدار کی پاسداری کریں گے مگر آج جو دیکھنے میں ملا شاید ماضی میں کبھی ایسا نہیں ہوا .

اسی پارلیمنٹ نے مسلمانوں کے عقائد کا حفاظت کرتے ہوئے قادیانیوں کو متفقہ طور پر غیر مسلم قرار دیا تھا اور ختم نبوت کا ہمیشہ کیلئے تحفظ کا فیصلہ کیا تھا آج اسی پارلیمنٹ نے جمعہ کے موقع پر نماز جمعہ کا وقفہ نہ کرکے پارلیمنٹ کی بے توقیری کی اور پاکستانیوں کے دل کو دکھایا اس سے اہل پاکستان کو کیا پیغام دیا گیا . مولانا عبدالغفورحیدری نے کہا کہ اسپیکر کی اس رویے اور اقدام کی شدید مذمت کرتے ہیں .