صفر ووٹ لینے والے کینیڈین امیدوار نے اپنے حق میں ٹھپہ کیوں نہیں لگایا؟
وہ اس دوڑ میں واحد امیدوار تھے جنہوں نے ایک بھی ووٹ حاصل نہیں کیا جس کا مطلب یہ ہے کہ دوسروں کو تو چھوڑیں انہوں نے خود کو بھی ووٹ نہیں دیا .
فیلکس نے بتایا کہ انہوں خود کو ووٹ اس وجہ سے نہیں دیا کیوں کہ وہ ٹورنٹو کے رہائشی نہیں ہیں اس لیے ووٹ دینے کے حقدار نہیں ہیں .
ہیمل نے کہا کہ جب میں نے نتیجہ دیکھا تو میں نے سوچا کہ چلو ٹھیک ہے میں اتحاد کا مظہر ہوں کیوں کہ ہر ووٹر کم از کم اس بات پر تو متفق تھا کہ مجھے ووٹ نہیں دینا .
لائبریری آف پارلیمنٹ ڈیٹا بیس نے تصدیق کی کہ فیلکس ملک کی تاریخ میں پہلے امیدوار تھے جو ایک بھی ووٹ حاصل کرنے میں ناکام رہے .
فیلکس نے کہا کہ وہ الیکشن میں اپنےانتخابی نتیجے پر بالکل حیران نہیں ہوئے لیکن انہیں صفر ووٹ والا ایک غیر معمولی امتیاز حاصل ہوا جس پر وہ بہت خوش ہیں .
انہوں نے مزید کہا کہ چلیں کسی نہ کسی طرح تو میں بھی اس لائق ہوا کہ کینیڈا کی تاریخ میں اپنا نام رقم کراسکوں . . .
