پاکستان کیخلاف ٹیسٹ سیریز، بنگلہ دیش کرکٹ ٹیم لاہور پہنچ گئی
بنگلہ دیش کی ٹیم 14 اگست سے ٹیسٹ سیریز کے لیے تیاری کا آغاز کرے گی، قذافی اسٹیڈیم میں 3 دن تک ٹریننگ کے بعد بنگلہ دیش کی ٹیم 17 اگست کو اسلام آباد روانہ ہوگی . پاکستان اور بنگلہ دیش کے مابین ٹیسٹ سیریز کا پہلا میچ 21 سے 25 اگست تک راولپنڈی کرکٹ اسٹیڈیم میں کھیلا جائے گا . سیریز کا دوسرا میچ کراچی میں 30 اگست سے3ستمبر تک کھیلا جائے گا . بنگلہ دیش اسکواڈ نجم الحسن شانتو (کپتان)، محمود الحسن جوئے، ذاکر حسن، شادمان اسلام، مومن الحق، مشفق الرحیم، شکیب الحسن، لٹن کمر داس، مہدی حسن میراز، تیج الاسلام، نعیم حسن، ناہید رانا، شرف الاسلام، حسن محمود، تسکین احمد اور سید خالد احمد . آل راؤنڈر شکیب الحسن کینیڈا سے پاکستان پہنچیں گے . واضح رہے کہ یہ دونوں ٹیسٹ آئی سی سی ورلڈ ٹیسٹ چیمپئن شپ کا حصہ ہیں . پاکستان کرکٹ بورڈ (پی سی بی) کی قومی سلیکشن کمیٹی نے گزشتہ ہفتے بنگلہ دیش کے خلاف ٹیسٹ سیریز کے لیے 17 رکنی پاکستان اسکواڈ کا اعلان کیا تھا . پاکستان ٹیسٹ اسکواڈ کا ٹریننگ کیمپ 11 اگست سے راولپنڈی کرکٹ اسٹیڈیم میں شروع ہوگا . ہیڈ کوچ جیسن گلیسپی اور اسسٹنٹ کوچ اظہرمحمود کیمپ کی نگرانی کریں گے . پاکستان اسکواڈ شان مسعود (کپتان) ، سعود شکیل ( نائب کپتان)، عامر جمال ( فٹنس سے مشروط)، عبداللہ شفیق، ابرار احمد، بابر اعظم، کامران غلام، خرم شہزاد، میر حمزہ، محمد علی، محمد ہریرہ، محمد رضوان ( وکٹ کیپر)، نسیم شاہ، صائم ایوب، سلمان علی آغا، سرفراز احمد (وکٹ کیپر) اور شاہین شاہ آفریدی . . .
