آج جمعرات 12 جون 2025 :پاکستان میں سونے کی قیمتیں

کراچی(قدرت روزنامہ)کراچی کی صرافہ مارکیٹ میں آج بروز جمعرات 12 جون 2025 کو سونے کی قیمتوں میں استحکام دیکھا جارہا ہے۔
آل پاکستان جمز اینڈ جیولرز ایسوسی ایشن اور دیگر معتبر ذرائع کے مطابق 24 قیراط خالص سونے کی فی تولہ قیمت 3 لاکھ 54 ہزار 100 روپے ریکارڈ کی گئی جبکہ 22 قیراط سونا 3 لاکھ 24 ہزار 589 روپے فی تولہ دستیاب ہے۔
اسی طرح 21 قیراط کی قیمت 3 لاکھ 9 ہزار 838 روپے اور 18 قیراط سونا 2 لاکھ 65 ہزار 575 روپے فی تولہ فروخت ہوا۔
اگر وزن کو گرام کے حساب سے دیکھا جائے تو 10 گرام 24 قیراط سونے کی قیمت 3 لاکھ 3 ہزار 590 روپے اور فی گرام قیمت تقریباً 30 ہزار 359 روپے ہے۔ اسی طرح فی اونس سونا آج 8 لاکھ 60 ہزار 670 روپے میں دستیاب ہے۔

ماہرین کے مطابق سونے کی یہ قیمتیں عالمی مارکیٹ میں سونے کی قدر، ڈالر کے مقابلے میں روپے کی شرح مبادلہ اور مقامی طلب و رسد کے مطابق روزانہ کی بنیاد پر طے کی جاتی ہیں۔
کراچی کی صرافہ مارکیٹ کو ملک بھر میں سونے کے نرخوں کا بنیادی مرکز تصور کیا جاتا ہے اور لاہور، اسلام آباد، فیصل آباد، پشاور و دیگر شہروں کے تاجر عموماً کراچی مارکیٹ کی قیمتوں کو ہی معیار بناتے ہیں۔
خریداروں اور سرمایہ کاروں کے لیے یہ وقت سنبھل کر فیصلہ کرنے کا ہے کیونکہ مستقبل قریب میں عالمی حالات کے باعث سونے کی قیمتوں میں اضافہ یا کمی کا امکان برقرار ہے۔