بانی پی ٹی آئی پنجاب کی تنظیم سے مطمئن نہیں، تنظیم غیرفعال نظرآتی ہے: لطیف کھوسہ

اسلام آباد (قدرت روزنامہ)پاکستان تحریک انصاف (پی ٹی آئی) کے رہنما اور رکن قومی اسمبلی لطیف کھوسہ نے بانی پی ٹی آئی سے ملاقات کے بعد کہا کہ بانی پی ٹی آئی پنجاب کی تنظیم سے مطمئن نہیں، تنظیم غیرفعال نظرآتی ہے . جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے لطیف کھوسہ نے کہا کہ حماد اظہر نے پچھلے جلسے میں مجھ سے گرفتاری دینے کا کہتے ہوئے کہا تھا کہ اگر مجھے گرفتار کریں تو میرا کیس مفت میں لڑیے گا .

لطیف کھوسہ کا کہنا تھا کہ حماد اظہر کی بات پر میں نے حامی بھری اور کہا کہ میں پارٹی کے سارے کیسز فری میں ہی لڑتا ہوں مگر پھر حماد اظہر نے سرینڈر ہی نہیں کیا، حماد اظہر کا ستمبر تک اڈیالہ جیل مارچ کا بیان بھی سیاسی بیان تھا . پروگرام میں گفتگو کرتے ہوئے انہوں نے مزید کہا کہ تین رکنی کمیٹی پنجاب سے 8 ستمبر کےجلسے میں شرکت کے حوالے سے نگرانی کرے گی، کمیٹی نظر رکھے گی کہ حماد اظہر نے کام بھی کیا ہے یا وہ صرف ٹک ٹاک تک محدود رہے . انہوں نے کہا کہ اگر وہ فعال نہیں ہوئے تو بانی پی ٹی آئی کو کمیٹی رپورٹ دے گی، ان کا متبادل تجویز کریگی اور وہ ٹیک اوور کریں گے . . .