صدر مسلم لیگ ن نواز شریف کی آئندہ ماہ لندن روانگی متوقع

لاہور(قدرت روزنامہ) پاکستان مسلم لیگ ن کے صدر میاں نواز شریف کی آئندہ ماہ لندن روانگی متوقع ہے . پارٹی ذرائع کے مطابق سابق وزیراعظم نواز شریف 11 ستمبر کو بیگم کلثوم نواز کی برسی کے بعد لندن کے لیے روانہ ہو سکتے ہیں .

نواز شریف کو لندن میں اپنے معالجین سے طبی معائنہ کرانا ہے جس کے بعد اپنے صاحبزادوں کے ساتھ وقت گزاریں گے . نواز شریف کا دو سے تین ہفتے تک لندن میں قیام کا امکان ہے جبکہ لندن روانگی سیاسی حالات سے مشروط ہو سکتی ہے .
واضح رہے کہ سابق وزیراعظم نواز شریف گزشتہ سال 21 اکتوبر کو وطن واپس پہنچے تھے جبکہ اس سے قبل نواز شریف 4 سالوں سے لندن میں علاج معالجے کے لیے قیام پذیر تھے .