اسسٹنٹ جیل سپرنٹنڈنٹ سکھر کے مغوی بیٹے کو بازیاب کروالیا گیا

اسلام آباد (قدرت روزنامہ)اسسٹنٹ جیل سپرنٹنڈنٹ سکھر اسحاق رند کے مغوی بیٹے کو ڈاکوؤں سے بازیاب کروا لیا گیا .
پولیس کے مطابق اسسٹنٹ جیل سپرنٹنڈنٹ سکھر اسحاق رند کے بیٹے جمیل رند کو ڈاکوؤں سے بازیاب کروالیا گیا ہے، کارروائی کے دوران کوئی گرفتاری عمل میں نہیں آسکی .

مغوی جمیل رند کے والد اسسٹنٹ جیل سپرنٹنڈنٹ سکھر اسحاق رند کا کہنا تھا کہ ان کے بیٹے کو 10 اگست کو شاہ لطیف یونیورسٹی کے قریب سے اغوا کیا گیا تھا .
کچھ روز قبل مغوی جمیل رند کو ڈاکوؤں نے اغوا کرنے کے بعدٹانگ پرگولی مار کر تشدد کی ویڈیو وائرل کر دی تھی اور مغوی کی رہائی کے بدلے 2 کروڑ تاوان طلب کیا تھا .