سیکرٹری تعلیم بلوچستان محمد صالح ناصر کو توہین عدالت کا نوٹس جاری

کوئٹہ(قدرت روزنامہ)صوبائی محتسب بلوچستان نزر محمد بلوچ نے سیکرٹری تعلیم بلوچستان محمد صالح ناصر کو توہین عدالت کا نوٹس جاری کر دیا۔ یاد رہے کہ صوبائی محتسب نے محکمہ تعلیم کے خلاف مختلف شکایات پر میرٹ کے مطابق فیصلے سناتے ہوے احکامات جاری کئے لیکن محکمہ تعلیم نے ان پر کوئی عمل درآمد نہیں کیا۔ جس پر صوبائی محتسب نے بارہاں سیکرٹری تعلیم کو احکامات پر عمل کرکے رپورٹ پیش کرنے کی ہدایات جاری کی۔ لیکن سیکرٹری تعلیم کی طرف سے یقین دہانی کرانے کے باوجود کوئی خاطر خواہ جواب موصول نہیں ہوسکا۔ اور اس سلسلے میں چیف سیکرٹری بلوچستان کو بھی آگاہ کر دیا گیا۔ لیکن اسکے باوجود سیکرٹری تعلیم نے کوئی کاروائی نہیں کی اور نہ عمل درآمد کے حوالے سے کوئی رپورٹ پیش کیا۔ بعد ازاں صوبائی محتسب نے سیکرٹری تعلیم بلوچستان کے نامناسب رویہ پر ناراضگی ظاہر کرتے ہوے انھیں توہین عدالت کا نوٹس جاری کرکے 24-09-2024 کو عمل درآمد رپورٹ کے ساتھ پیش ہونے کا حکم جاری کردیا۔