لاہور؛ داتا دربار سے بدفعلی کیلیے استعمال ہونے والے 6 کم عمر لڑکے بازیاب
لاہور (قدرت روزنامہ)لاہور پولیس نے داتا دربار پر کارروائی کرتے ہوئے 6 کم عمر لڑکوں کو بازیاب کروا لیا .
ایس پی سٹی کے مطابق ایس ایچ او داتا دربار نے سرچ آپریشن کے دوران ٹیم کے ہمراہ کارروائی کی .
نجی سرائے میں 500 روپے کے عوض کم عمر لڑکوں سے بد فعلی کروائی جا رہی تھی . کارروائی کے دوران 6 کم عمر لڑکوں کو بازیاب کروا کر ملزم کو گرفتار کرلیا گیا .
پولیس کا مزید کہنا ہے کہ ملزم عابد محمود عرف باؤ پہلے بچوں کو نشے کا عادی بناتا اور بدفعلی کی ویڈیو بناتا تھا . ملزم نشے کا عادی ہونے پر بدفعلی کی آدھی رقم لڑکوں کو دیتا تھا . ملزم خود اپنی ہوس کو پورا کرنے کے لیے بھی کم عمر لڑکوں کا استعمال کرتا تھا . جرم میں ملوث ملزم کے دیگر ساتھیوں کی گرفتاری کے لیے چھاپے مارے جا رہے ہیں .
ملزم عابد محمود کے خلاف مقدمہ درج کر کے تحقیقات کا آغاز کر دیا گیا ہے . کامیاب آپریشن پر ایس ایچ او داتا دربار محمد شہریار اور ٹیم کو تعریفی سرٹیفکیٹ دینے کا اعلان کیا گیا ہے .
