شیخ رشید کا خواب پورا ہو گیا

اسلام آباد (قدرت روزنامہ)وفاقی وزیر داخلہ شیخ رشید احمد کا برسوں پرانا خواب پورا ہو گیا . تفصیلات کے مطابق وفاقی وزیر داخلہ کا کہنا تھا کہ میں گزشتہ 26سال سے نالہ لئی کی تعمیر کا خواب دیکھ رہا تھا .

شیخ رشید احمد نے وقارالنسا کالج کو یونیورسٹی کا درجہ دیے جانے کے حوالے منعقدہ ایک تقریب سے خطاب کے دوران کہا ہے کہ میں نے یہ کہا تھا کہ بچیوں کی تعلیم پر زور دو . وقار النساء کالج کو یونیورسٹی کا درجہ دلوانے کا خواب پورا ہو گیا ہے ، دنیا کی کوئی طاقت ہمیں شکست نہیں دے سکتی ہے اگر ہماری بیٹی پڑھی لکھی ہو . وفاقی وزیر داخلہ شیخ رشید کا مزید کہنا تھا کہ وزیراعلیٰ پنجاب عثمان بزدار نے نالہ لئی کی تعمیر کی منظوری دے دی ہے ،نالہ لئی کے منصوبے پر 150 ارب روپے کاخرچ آئے گا . تقریب میں وزیراعلیٰ پنجاب عثمان بزدار سمیت دیگر وزرا ء نے بھی شرکت کی ہے . . .