کوتاہی برداشت نہیں کروں گا۔ بزدار کا بڑا حکم
حکومت نے تمام محکموں کو انسداد ڈینگی کیلئے الرٹ کردیا ہے . اپوزیشن نے پہلے کورونا پر سیاست چمکائی اوراب ڈینگی پر پوائنٹ سکورنگ کررہی ہے . افسوس کا مقام ہے کہ اپوزیشن عناصر کے دل میں دکھی انسانیت کیلئے کوئی درد نہیں . راولپنڈی رنگ روڈ اورنالہ لئی ایکسپریس وے کی منظوری پر ارکان اسمبلی اورعوام کو مبارکباد دیتاہوں . عرنگ روڈ بننے سے راولپنڈی اسلام آباد کے شہریوں کو آمد و رفت میں بے پناہ سہولت ملے گی . نالہ لئی ایکسپریس وے پراجیکٹ راولپنڈی کیلئے گیم چینجر منصوبہ ثابت ہوگا . اس منصوبے کیلئے پہلے مرحلے میں 24ارب روپے کے فنڈز کی منظوری دے دی گئی ہے . راولپنڈی سمیت ہر شہر کا علیحدہ ڈویلپمنٹ پیکیج تیار کیا ہے . پہلی بار ہر شہروں کی ضروریات اور ترجیحات کو مد نظر رکھ کر فلاح عامہ کے منصوبے شروع کئے ہیں . تین برس میں وہ کام کئے ہیں جو سابق حکومت 10 برس میں نہ کر سکی . وزیر اعظم عمران خا ن کی قیادت میں عوامی خدمت کے سفر کو تیزی سے آگے بڑھائیں گے . اراکین اسمبلی نے مسائل کے حل کیلئے ہدایات جاری کرنے پر وزیراعلیٰ عثمان بزدار کا شکریہ ادا کیا اور کہا کہ رنگ روڈ اورنالہ لئی کے منصوبے کیلئے وزیراعلیٰ عثمان بزدار کی کاوشیں قابل تحسین ہیں . وزیراعلیٰ عثمان بزدارراولپنڈی کے عوام کے محسن ہیں وزیراعلیٰ عثمان بزدار نے راولپنڈی کیلئے جتنے ترقی منصوبے دیئے ماضی میں اس کی مثال نہیں ملتی . راولپنڈی کیلئے حقیقی ترقی کا دور اب شروع ہوا ہے،عوام کی فلاح کیلئے پائیدار اقدامات پر عثمان بزدار کے مشکور ہیں . وزیراعلیٰ سے ملاقات کرنے والوں میں صوبائی وزراء راجہ محمد بشارت،راجہ راشد حفیظ،فیا ض الحسن چوہان،ارکان اسمبلی محمد لطاسب ستی، راجہ صغیر احمد، جاوید کوثر، چوہدری ساجد محمود، واثق قیوم عباسی، ملک تیمور، امجد محمود چوہدری، اعجاز خان اور عمر تنویر،عابدہ راجہ،فرح آغا اورمومنہ وحید شامل تھیں کمشنر راولپنڈی ڈویژن،آر پی او،ڈپٹی کمشنراورسی پی اوبھی اس موقع پرموجود تھے . .
