پاکستان اور جرمنی کا بلین ٹری منصوبے کا دوسرا مرحلہ شروع کرنے پر اتفاق

جرمنی منصوبے کےلئے 2کروڑ یورو فراہم کرے گا،ترجمان اقتصادی امور
اسلام آباد(قدرت روزنامہ)پاکستان اور جرمنی نے بلین ٹری منصوبے کے دوسرے مرحلے کے آغاز پر اتفاق کرلیا۔
جرمنی اس مقصد کے لیے پاکستان کو دو کروڑ یورو فراہم کرے گا۔ بلین ٹری منصوبے کے پہلے مرحلے کے لیے جرمنی پاکستان کو ایک کروڑ 35 لاکھ یورو پہلے ہی فراہم کر چکا ہے۔
ترجمان کا کہنا ہے کہ پہلے مرحلے پر تیزی سے کام جاری ہے اور اس کے تحت خیبرپختونخوا میں 10 ہزار ایکڑ زمین پر درخت لگائے جا رہے ہی ۔ ماحولیاتی نظام کی بہتری کے لیے ایک انفارمیشن مینیجمنٹ سسٹم بھی بنایا جائے گا تاکہ منصوبے کے اثرات کی موثر انداز میں نگرانی کی جاسکے۔