پاکستان میں سونے کی قیمت میں ایک بار پھر بڑا اضافہ، مگر کتنا؟

کراچی (قدرت روزنامہ)گزشتہ روز ہونے والی کمی کے بعد پاکستان میں سونے کی قیمت میں ایک بار پھر اضافہ ہوگیا۔
بین الاقوامی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بڑھ گئے۔
آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت میں 2100 روپے کا اضافہ ہوا، جس کے بعد فی تولہ سونے کی قیمت 2 لاکھ 77 ہزار 300 روپے ہوگئی۔
ملک میں آج 10 گرام سونے کی قیمت میں 1800 روپے کا اضافہ ہوا ہے اور 10 گرام سونے کی قیمت 2 لاکھ 37 ہزار 470 روپے ہے۔
ایسوسی ایشن کے مطابق عالمی بازار میں سونے کی قیمت 21 ڈالر اضافے سے 2661 ڈالر فی اونس ہے۔
یاد رہے کہ جمعرات کو بین الاقوامی بلین مارکیٹ میں فی اونس سونے کی قیمت 7 ڈالر کی کمی سے 2640 ڈالر کی سطح پر آگئی تھی جبکہ مقامی صرافہ مارکیٹوں میں فی تولہ سونا 700 روپے کی کمی سے 275200 روپے کا ہوگیا تھا۔