وادی نیلم، بارات سے بھری گاڑی حادثے کا شکار،4 افراد جاں بحق، دولہا بال بال بچ گیا
اٹھمقام(قدرت روزنامہ)وادی نیلم کےعلاقہ نگدر کناری کے مقام پربرات سے بھری گاڑی حادثہ کا شکار ہوگئی،حادثے میں چار افراد موقع پر ہی جاں بحق ہوگئے۔
مقامی پولیس اورریسکیو حکام کا کہنا ہےکہ براتیوں کی گاڑی کوسڑک پرجمےکورے کی وجہ سے حادثہ پیش آیاجس کے بعد کارسیکڑوں فٹ دوردریائے نیلم میں جاگری،کارمیں سوار چار افراد موقع پر ہی جان کی بازی ہار گئے جبکہ دولہا معمولی زخمی ہوگیا۔
مقامی لوگ اپنی مدد آپ سیاحوں کی گاڑی کو دریائے نیلم سے نکالنے کی کوششوں میں مصروف ہیں۔ مقامی پولیس اور ریسکیو 1122 کے اہلکار بھی جائے حادثہ کی جانب روانہ ہوگئے۔گاڑی میں مانسہرہ کے 5 افراد سوار تھے جو مانسہرہ سےوادی نیلم بارات لے کر آرہے تھے