اداکارہ نیلم منیر کے شوہر کون ہیں ؟ آخر کار پتا چل گیا

لاہور (قدرت روزنامہ)پاکستان کی معروف اور انتہائی خوبصورت اداکارہ نیلم منیر نے دبئی میں شادی کر لی اور اب پاکستانیوں نے دولہے کی تلاش شروع کر دی ہے تاہم ابھی ان کا نام تو سامنے نہیں آیا لیکن سوشل میڈیا پر مختلف چہ مگوئیاں جاری ہیں ۔

تفصیلات کے مطابق ایکس پرراجا ذیشان نامی صارف نے پیغام جاری کرتے ہوئے دعویٰ کیا کہ ’’ نیلم منیر کی شادی کسی عربی سے نہیں بلکہ گجرات کے ایک دبئی بیسڈ بزنس مین سے ہوئی ہے، بہت بہت مبارک ہو دونوں کو۔ اللہ شادی کامیاب کرے اور دونوں کو ایک ساتھ خوش رکھے آمین۔‘‘

مقدس فاروق اعوان نامی صارف نے بھی اس بات کی تصدیق کی کہ ’’نیلم منیر کے شوہر دبئی کی بڑی کاروباری شخصیت ہیں‘‘۔

اداکارہ نیلم منیر کا شمار مقبول ترین اور حسین اداکاراؤں میں کیا جاتا ہے۔انہوں نے کئی سپر ہٹ ڈراموں میں اپنی فنکارانہ صلاحتیوں کا مظاہرہ کرکے نمایاں مقام حاصل کیا ہے، نیلم منیر کے پراجیکٹس میں ’خمار’، ’دل موم کا دیا’،’قید تنہائی’ ، ‘اشک’ اور ’احرامِ جنون’ جیسے نام شامل ہیں۔

20 مارچ 1992 کو مردان میں پیدا ہونے والی 32 سالہ اداکارہ نیلم منیر کی نکاح کی تصاویر انسٹاگرام پر معروف فوٹوگرافر عبدالصمد ضیاء کی جانب سے شیئر کی گئیں جس میں نکاح کی پروقار تقریب کی تفصیلات درج ہیں۔

نکاح سیریمنی کی تصاویر میں اداکارہ نیلم منیر کو مداح روایتی سفید ٹریڈیشنل ڈریس میں دلہن کے روپ میں دیکھ کر عش عش کر اٹھے۔

اداکارہ کا یہ ڈریس فیشن ڈیزائنر براق آفیشل کا تیار کردہ ہے، بات کی جائے نیلم کے لُک کی تو اداکارہ نے اپنے نکاح لک میں گلوئی میک اپ کا انتخاب کرتے ہوئے اپنے اوور آل لُک کو کمپلیٹ کرنے کیلئے پرل کی جیولری سے اپنے حسن پر چار چاند لگائے۔

انہوں نے اپنے خاص دن کیلئے میک اپ رابعہ انعم سیلون سے کروایا جبکہ جیولری نیشنل جیولرز کا شاہکار ہے۔

انسٹاگرام پر جاری تصاویر میں اداکارہ نیلم منیر کو ان کے دلہے کے ہمراہ دیکھا جاسکتا ہے، اداکارہ نے اپنے دولہے کا چہرہ تو مداحوں کو دکھا دیا لیکن دولہے کے حوالے سے کچھ کہنا قبل از وقت ہے۔

عمار دبئی میں منعقد نکاح کی تقریب میں اداکارہ نیلم منیر کے دلہا کو اپنے نکاح کے موقع پر روایتی عربی جوڑا پہنے ہوئے دیکھا جاسکتا ہے جس سے معلوم ہوتا ہے کہ اداکارہ کے شوہر کا تعلق متحدہ عرب عمارات سے ہے۔

پوسٹ کے کیپشن میں ’اس نئے سال کے ساتھ، اپنی زندگی کے ایک ‘نئے باب’ کا آغاز کرتے ہوئے، انہیں اپنی دعاؤں میں یاد رکھیں!‘ لکھا گیا۔

انسٹاگرام پر جاری نکاح پوسٹ کے کمنٹ سیکشن میں مداح اداکارہ نیلم منیر کو زندگی کا نیا سفر شروع کرنے پر مبارکباد دیتے نظر آرہے ہیں۔

دوسری جانب گزشتہ روز اداکارہ نے اپنی دلکش مایوں کی لُک بھی جاری کی تھی جس میں اداکارہ نے ڈیزائنر حارث شکیل کا جوڑا زیب تن کیا تھا، مایوں کی دلکش تصاویر کے بعد اداکارہ کی مایوں کی تقریب میں ہی قوالی سے بھی لچف اندوز ہوتے ویڈیوز سامنے آئی تھیں۔