چاہت فتح علی خان کیساتھ وینا ملک کا ڈانس، ویڈیو وائرل، صارفین کی تنقید
لاہور (قدرت روزنامہ)پاکستان کی معروف اداکارہ و میزبان وینا ملک کے خود ساختہ گلوکار چاہت فتح علی کے ساتھ ڈانس کی ویڈیو پر سوشل میڈیا صارفین سیخ پا نظر آ رہے ہیں۔
وینا ملک آج کل سوشل میڈیا پر متحرک نظر آ رہی ہیں، ان کے ساتھ ہر نئی پوسٹ میں نظر آنے والے لڑکے سے صارفین کی توجہ ابھی ہٹی نہیں تھی کہ وینا ملک نے ڈانس ویڈیو اپلوڈ کر کے صارفین کو حیران کر دیا۔
وینا ملک کی نئی پوسٹس میں جہاں انہیں اپنی سالگرہ کا کیک کاٹتے، ویلنٹائن ڈے مناتے دیکھا جا سکتا ہے، وہیں آج کل وہ گانا ریکارڈ کروانے سے متعلق بھی نت نئی ویڈیوز مداحوں کے ساتھ شیئر کر رہی ہیں۔
View this post on Instagram
نئی پوسٹس میں اداکارہ نے سیاہ رنگ کی خوبصورت ساڑھی پہنی ہوئی ہے جس میں وہ نہایت حسین نظر آ رہی ہیں۔
اس دوران ان کے ساتھ ان کے دوست کو بھی دیکھا جا سکتا ہے جن سے متعلق سوشل میڈیا پر متعدد افواہیں اور چہ مگوئیاں زیرِ گردش ہیں۔
View this post on Instagram
ان سب مصروفیات کے درمیان اب اداکارہ نے انٹرنیٹ سینسیشن مزاحیہ گلوکار چاہت فتح علی خان کے ساتھ ملاقات کی ہے۔
اداکارہ کو نئی ویڈیو میں چاہت فتح علی خان سمیت دیگر دوستوں کے درمیان ڈانس کرتے دیکھا جا سکتا ہے۔
View this post on Instagram
دوسری جانب ویڈیو کے کمنٹ باکس میں اداکارہ کے مداح حیران اور تذبذب کا شکار نظر آ رہے ہیں۔
صارفین نے تنقید کرتے ہوئے لکھا ہے کہ وینا ملک تو پاکستان کی راکھی ساونت بننے کی کوشش کر رہی ہیں۔