گوری خان کے مہنگے ترین ریسٹورینٹ میں جعلی پنیر کھلانے کا الزام، ٹیم کا ردعمل آگیا

ممبئی (قدرت روزنامہ) بھارت میں آج کل یوٹیوبرز کی جانب سے مختلف ریسٹورینٹس جاکے پنیر کے اصلی یا نقلی ہونے کا ٹیسٹ کیے جانے کا ٹرینڈ عام ہے اور اسی تناظر میں ایک بھارتی یوٹیوبر نے دعوی کیا ہے کہ بالی وڈ کنگ شاہ رخ خان کی اہلیہ گوری خان کے مشہور اور مہنگے ترین ریسٹورینٹ میں کسٹمرز کو جعلی پنیر کھلایا جا رہا ہے۔
یوٹیوبر سارتھک نے مختلف اسٹارز کے ریسٹورینٹس میں کھانا کھایا ان میں ویرات کوہلی، شلپا شیٹی اور بوبی دیول کا نام سرِفہرست ہے۔یوٹیوبر کی جانب سے کیے گئے ٹیسٹ میں متعدد فنکاروں کے ریسٹورینٹس میں بننے والے کھانے ان کے ٹیسٹ پر کھرے اترے جب کہ گوری خان کے توڑی میں پنیر کے اصلی ہونے کا ٹیسٹ کرتے ہوئے یوٹیوبر نے دعوی کیا کہ یہ پنیر نقلی ہے۔

یوٹیوبر کی جانب سے انسٹا اکاﺅنٹ پر شیئر یہ ویڈیو سوشل میڈیا پر جنگل کی آگ کی طرح پھیل گئی جس پر توڑی ریسٹورینٹ کو بھی اس تنازع میں کود کر اپنی گواہی دینی پڑگئی۔انہوں نے کہا کہ پنیر کے اصل یا نقل ہونے کا ثبوت نہیں دیتا، ہماری ڈشز میں سویا پر مبنی اجزا شامل ہوتے ہیں اسی لیے رنگ کی تبدیلی ایک متوقع ردِ عمل ہو سکتا ہے، ہم اپنے پنیر اور تمام اجزا کے خالص ہونے پر پورا بھروسہ رکھتے ہیں۔